سه شنبه , ۲۱ آبان ۱۳۹۸
آخرین مطالب
خانه » شعر » حشره کیمین اونوتماروخ،عید غدیرى یا على! – شعر آذری غدیر

حشره کیمین اونوتماروخ،عید غدیرى یا على! – شعر آذری غدیر

images (2)

 

حشره کیمین اونوتماروخ،عید غدیرى یا على!                سن‏سن ازلدن آخره خلقین امیرى یا عــلى!

مهر و وفا سپهرینه گون دی  رسول مصـطفا

برج ولایتین سنون بدر منیرى یا عـــــلى!

قلبیمه یازمیشام آدون گول کیمى ایله‏رم مدام                نئیلی ییره‏م بو دهریده مشک و عبیرى یا على!

عالِم علمِ غیبسن ، چشمه هر عــــــلوم‏ سن

علم لدُنّیلن بیله‏ن سرّ ضمیرى یا عـــــــلى!

گویده دئییبدى جبرئیل:یوخدى على کیمین جوان               دهریده ذوالفقاروون یوخدى نظیرى یا على!

آدووا روحیمیز فدا ، شأنووه جانیمیز فــــدا

حق سنه واگذار ائدیب امر خطیرى یا على!

ائیله دى جانشین سنى امر حقیله مصـــطفا                       آگه ائدیب بو نکته‏یه خرد وکبیرى یا عـلى!

غاصب اولوبدى حقّیوه ییرمى بئش ایل لعین‏لر

غصب اولونوب خلافتین تخت و سریرى یا على!

اى گئجه‏لر یوزون قویان تپراقین اوسته آغلیان                  جنگیده حىّ سرمدین غیضیلى شیرى یا عـــلى!

قاتلون ابن ملجمه ذرّه اذیت ائتمه‏ دون

ساخلیان احترامیلن ائوده اسیرى یاعلى!

اولسا لیاقتیم منیم دامنیوى بوراخمارام                            سن بیل حسینوین جانى قؤوما «بشیر»ی یا على

خبرنامه آرمان مهدویت

جوابی بنویسید

ایمیل شما نشر نخواهد شد.خانه های ضروری نشانه گذاری شده است. *

*