پنج شنبه , ۶ آذر ۱۳۹۹
آخرین مطالب
خانه » شعر » ادبی » لای لای ترکجه – لای لای آذربایجانی

لای لای ترکجه – لای لای آذربایجانی

لای لای دئیــم یاتـاسان گــول غونچییه باتـاسان
گـول غونچه لر ایچینـده شیرین یــــوخو تاپاسان

***

لالای بالام جـــان بالام مـــن سنه قوربان بالام
آغلاماخـــلان باغریمی گل ائله مه قــــان بالام

***

لای لاین سسی گــلر یاتار یــــوخوسی گلـر

اوزاق اوزاق یــؤللاردان گلمیین دایــسی گـــلر

***

لای لای چـالّام همه شـه کاروان گئــــدر یئمیشه

یاستیقینـــدا گول بیتیم دؤشــه گونده بنوشـــه

***

داغـــــلاردا مئشه لرده مئه ی قالدی شوشه لـرده

سن یات یوخون آل گیلن مــن گه زیم مئشه لر ده

***

لای لای چــــالّام آدووا علــی یئتــــــر دادووا

علی دادووا یئتنــــــده منـــی ده سال یـــادووا

***

لای لای دئدیم بویونجــا باش یاسدیغا قویــــونجا
یات سن گـــول یاتاغیندا باخیــم سنه دویونجــــا

***

لای لای دئدیم یاتینـــا گـــؤزله ره م اویانینجــا
زارا آمـــــانا گلـــدیم سن حاصیلا چاتینجــــا

***

لای لای امـه ییم لای لای دوزوم چـؤره ییم لای لای
تانــری دان عهدیم بـودور گـؤروم کومه یین لای لای

***

لای لای اولـــدوزوم آییم لای لای شاماما پــاییم
سن گئت شیرین یوخــویا منـــده نفسین ســاییم

***

لای لای گولون دسته سی دامئغانین پـوسته ســی
یوخـــــلا سنه اوخویـوم قـــارا باغ شیکسته ســی

***

لای لای اوجـــا سهندیم لای لای شکریم قنــــدیم
دونیا گــــــوزلرینــدن منــــــده سنی بینــدیم

***

لای لای ارکین قـالاسی یـــات قهــــرمان بالاسی
یئنه شئهــــدن دولوبدور گؤزلـــرین پیــــالاســـی

***

لای لای دئدیم یاتاسان قیزیل گــــوله باتاســان
مــن آرزوما چاتمادیم سن آرزووا چــــاتاسـان

***

لای لایینـــام یــات بالام گون ایلـه چیخ بات بالام
من آرزومــــا چـاتمادیم سن آرزووا چات بـــالام

***

لای لای آهـــو گــؤز بالام لای لای شیرین سؤز بالام
گــــــؤزل لیکده دونیــادا تکدی منیــم اؤز بـــالام

***

لای لایینــــام اؤز بالام قاشـی قارا گؤز بـالام
دیلین بالدان شیرین دیر دوداغینــدا سؤز بالام

***

لای لای دیلیـن دوز بالام دیــل آچ گینـــان تئز بالام
مـن اوتوروم سن دانیش شیرین شیرین سؤز بالام

***

لای لای بالام گـول بالام من سنـه قــوربان بالام
قــان ائیله مه کؤنلــومو گَل مَنَه بیــر گول بالام

***

لای لایینام گـــول بــالام تئل لَری سونبول بالام
کپنک دن سئرچـــه دن یوخـوسو یونگول بالام

***

لای لای دئدیم گونده من کؤلگــده سن،گونده من

ایلـــده بیر قـوربان اولار سنـه قوربان گونده من

***

بالامـــی تانیـــرام من هــر سؤزون آنیرام من
یــوخـودا آه چکنـــده اود توتـوب یانیرام مـن

***

تــاری تاری حــاق تاری گـــل باجادان باخ باری
کیم بالامی سئومه سه اونون ائــوین یئخ باری

***

لای لای چـالام اوجادان سسیم گلیـــر باجادان

آللاه سنی ساخـــلاسین چیچک دن قیزیـلجادان

***

بالامسان بیـــردانامسـان صدفــده ، دوردانامسـان
من اؤلسـام سنه قوربـان سن اؤلمــا بیردانامسـان

***

لای لای منیم ببــه ییـم بیرآرزوم بیر دیله ییـم

دارگــونده پیس آیــاقدا سنسن منیم کـومه ییم

***

بیــر سس گلیر ائللردن شیریـن شیرین دیللردن

تانــری بـالامی ساخلا آغیر آیلار ایللــــردن

***

لالای دئدیم یاتــــاســــان قیزیل گـوله باتاســــان

قیزیل گول سنین اولسون کــؤلگه سینــده یاتاسان

***

لای لای دئدیم گولونجه دانیشینجا گــــولونجه
بالامــا لای لای دئـدیم ائللری مین دیلینجـــه

***

لای لایینام چمــــن ده یئل اویناییب اسنــــده
محبتــــــدن جؤشیرام سن سوتومو امنـــــده

***

لای لای بـــالام بئشیکـده بولبول اؤخـــور ائشیکـده
سن یات یــوخون آل گیلن من دورموشام کئشیکــده

***

لای لای ائـو ائشیکینده یات بالام بئشیکینــده
بیر من بیردان اولدوزی دورموشوق کئشیکینده

***

لای لایین اؤز دیلینـــده چالارام اؤز دیلینـــــــده
روزی سی بؤل اولارمیش اؤلان قـوزی ایلینــــــده

خبرنامه آرمان مهدویت

۴ نظر

  1. به به به این شعر بسیار زیبا عالی بود مرسی خیلی حال کردم با این شعر

  2. قشنگ بود اما کاش یه معنی یا ترجمه‌ای هم داشت

  3. دستتون درد نکنه واقعا زیبا بود من رو یاد مادر بزرگ مرحومم انداخت کلی دلم تازه شد.

جوابی بنویسید

ایمیل شما نشر نخواهد شد.خانه های ضروری نشانه گذاری شده است. *

*