پنج شنبه , ۲۱ فروردین ۱۳۹۹
آخرین مطالب
خانه » شعر » کربلا – شعر ترکی آذری

کربلا – شعر ترکی آذری

ای کرب وبلا نین یئری ای کعبه دن اشرف

الله معرف سنـــــــه سن بیتـــــــــه معرف

توپراقوی هر کیمسه اوپوب کامه چاتوبدی

شانونده بو بسدور که حسین سنده یاتوبدور

*******

یوخدور سنه واللّهی شرافتده چاتان یئر

سنسن شــرف آل عبـــا قانه باتان یئر

حی ابدی مظهر و محبوبی یاتان یئــــر

آرام دل فاطمه نین مدفنی سنســــن

حق مظهری ناحق اوله نین مسکنی سنسن

*******

سنده بویانوب قانه باتوب بیرگل خوشبو

دنیا گوزی گورموب ائله بیرنوگل خوش رو

خلقتــــده آلوب رنگ او گلدن گل مینو

بیر گل که اونون گلشنی دور سینـــه زهرا

بیرسینه که اَی لردی اوپردی اونـــی طه

*******

قبـــــــــــــر نبوی یا اولا کعبه یئری حتی

توپراقینی جایزدگی شرعاً یئماق امّــــا

پیغمبر ایدوبدور سنی بو حکمـــــــده منها

بو سهلیدی جایزدی یئماق خاک شفادی

بیرذره بیری گر یی یه مین درده دوادی

*******

مشگی یارادان ناقه آهوی ختنــــــــده

بیرعطـــر قویوب ای شرف غالیه سنده

مشگین آزالار قدری اونون عطری گلنده

تا عطرین آلار قبرده زهرا مَلَـــر آغلار

دیلده بالا وای گوز یاشی گوزدن الر آغـلار

*******

گر عرش دیسم من سنه بالفرض خطادی

توپراقــــووه غبطـه آپاران عرش خـــدادی

تعظیم ائله سه فرشوه گر عرش سزادی

سن دوش نبی زینتین آغوشــــــــه آلوبسان

عرشین سبب خلقتین آغوشه آلوبسان

*******

ای کرب و بلانین یئری سن کوه مناسن؟

یوخ یوخ سبب منزلت بیت خــداسن

آغوشه آلوبسان نئچه لب تشنه فــــداسن

بیر خدمت ائدوبلر اولار احکام جلیله

ممکندی او خدمت نه ذبیحه نه خلیلـــه

*******

ای کرب وبلا سنده کی ششگوشه مزاری

بیرنوع سایوب با عظمت حضرت باری

مژگانیلــــه جبریل سیلر اولسا غباری

عمریم او گوزل مدفنه ، آثارووه قربان

یوخ منده لیاقت سنه ، زوارووه قربان

*******

ای کاش اجلــــدن او قدر مهلت اولیدی

لطفیله آقامدان نظر رافت اولیـــــــدی

بیر نیمــــه شعبان منه ده قسمت اولیدی

گوز یاشلی گذر کعبه مقصوده سالیدیم

جان تک او گوزل مرقدی آغوشه آلیدیم

*******

دلباخته عاشقدی سنه جان (حسینی)

سنسن مرض عشقینه درمان (حسینی)

اسموندی هامی بیرسوزه عنوان(حسینی)

ســـعدی زمان اولسا اگر علتی سنسن

گوندوز گیجه گوز یاشلی سوزی صحبتی سنسن

شعر از مرحوم سید رضا حسینی(سعدی زمان)

خبرنامه آرمان مهدویت

جوابی بنویسید

ایمیل شما نشر نخواهد شد.خانه های ضروری نشانه گذاری شده است. *

*