اشعار ترکی ویژه ی نیمه شعبان

عرض ارادت به ساحت مقدّس حضرت وليّعصر(عج)

نَقَـــــــدرخالقِ عالـم سني زيبايـاراديب                    

اوقَدَرعـــاشق شوريده وشــيدا ياراديب

منــه گلسين قاداسي گوزلروون بيرباخشي                  

اورگيمـده نئجه دنيابـويي غوغـا ياراديب

نرگسي گؤزلره قربان دييه سن خالق عشق                 

اولاري صبر و قرار آلمـاقـا شهلا ياراديب

هاني درد اهلي دييم درديمي بلـــکه آزالا                 

مني غم چکماقا غم صاحبي تنها ياراديب

نَقَـدرآتش هجـرانه يانيـم ، منــــده مگر؟                

نَقَدرتــاب وتوان حيّ توانـــا يـاراديب

يوخ گلايه يئري امّا ئوزي اوّل گونـــــدن                

عاشقين خالقي ، معشوقي شکيبايـاراديب

حقليم شام وسحرکـويوي ماوا ائلســــم                

کوي ياري ،‌ يارادان عاشقــه ماوا ياراديب

حدّسيزحمدوثناصنعونه صورتگـــروون                 

که بو صورتده نه عالم نئجه معنـاياراديب

بونه صورتدي ،  نه قامتدي کـه خلّاق ازل                  

عالمي قامتوه محو تماشا يـــــاراديب

بيربئله حسن خداداديله اي آيت حُــسن                   

کيم دييرحُسنده خالق سنه همتاياراديب

غبطه ايلرله وجاهتده گؤزللرسنه ، چـون                    

اولسالارقطره گوزللر ، سني دريا يـاراديب

وئرخبرپيک صبا يوسف مصـــري گله تا                     

گؤره نه جلوه نه فريوسف زهــرا ياراديب

حدّاعلاده دي حُسنون سنون اي حُسنه مَثَل                

جلوةحُسنونه خالق سني مَجــلا ياراديب

سن، او ، بيتُ الغزلِ شعرِ  وفاســن که سني                 

خالق شعرئوزونه دلکش وشيــوا ياراديب

هاني صهباي محبّت ، وئيره ساقيِّ وفــــا              

گؤره دُرديلره ،نه دَرد، اوصـهبايـاراديب

چوخالير عمر چوخالديقجا تمّنا دئيه ســـن               

باشدا سوداي جـوانليق بوتمّنايـاراديب

چوخ دئديم گويلومه پروا ائله عاشيق ليقدان               

دئـدي خـلاّق مگرعاشقه پروا ياراديب

دئديم افراط ائلمه عشقده رسواي اولاســـان 

ياردان سويلدي عاشقلري رسوا ياراديب

عشق اگـراولماسا آيا ندي معناي حـــيات؟                

بشري عشقيلـه تــوأم حق يکتا ياراديب

عشق مولانـي خدايـا اليميـزدن آلـــما               

دل احبّايه صفايِ غـــمِ مــولا ياراديب

دلده گرنور ولا اولماسا دل، يوخدي ،گِله                      

گـوهرجـانه بهـا نـور تــولّا يــاراديب

عاقل اولماق سنه ايش وئرمدي دنياده حزين               

ئوزونه اهل جنون گؤرنئجه دنيا يــاراديب

 شاعر : حيدرخسرو شاهي (حــزين)

  

ياصاحب الزمان عجّل علي ظهورك

اي ولايت اهلينون مولاسي يا صـاحب زمان

نخل توحيدين گل رعناسي يا  صاحب زمان

***

گَل، زمان طوفاندي اي عصروزمانين صاحبي          

سندن ئوزگه يوخ بوگون اسلاميانين صاحبي

گل، جهاني روشن ائيله ،اي جهانين صاحبي          

  تاقورولسون معـدلت شوراسي ياصاحب زمان

گل، ييغيشدير دهردن كفر و ظلالت پرچمين          

وير هامي عالملره حقّ وعدالت پرچــــمين

نصب ائله هرياندا اسلامين اصــالت پرچمين           

 دولدورا دنياني حقّ آواسي ياصـــاحب زمان

اي وليّ الله اعظم حجّت كبـــــــراي حق           

وي قويان باشه شرفدن تاج كرّمـــناي حق

اي امام كـــــون وامكان آيت عظماي حق             

 كايناتين باعث ابقاسي ياصـــــاحب زمان

يئريوزونده اي جلال كبريا نين وارثـــــي            

انبيانين جانشيني ، اوليانـــــــين وارثي

هارداسان گل اي شهيد كربلانين وارثــي           

قوي گؤرونسون كربلا غوغاسي ياصاحب زمان

سن بوگون ارض وسمانين باعث ابقاسي سن           

واقعي صلح جهانين ضامن اجــراسي سن

دردمندان زمانين ملجاء و مأواسي ســـن          

اي هامي مظلوملارين ملجاسي ياصاحب زمان

روزگاري غم دوتوب اي روزگارين صاحـبي           

كسمه فيض لطفون اي خردوكباريم صاحبي

ذوالفقارون آل اَله اي ذوالفقارين صاحــبي           

صلحه بسدي تيغيوين ايماسي يا صاحب زمان

اي جهانين صاحبي تئزگل جهان آلماقليقا             

ادّعا صاحب لرينــدن امتحان آلما قلـيقا

جدّوون قانين توكنلردن ده قان آلما قليقا          

جوشه گلسين بيرده قان درياسي ياصاحب زمان

كربلاده كوفيان ظلمونده طغيان ائتديلر           

آل طاهانين مبارك خاطرين قان ائتديلر

ظلميله انصارديني قانه غلطان  ائتديلـر

هرشهيدين دوغرانوب اعضاسي يا  صاحب زمان

غصه دن اهل ولانين خاطري قان اولدي گل        

ظلميله اي مصلح عالم بو عالم دولــدي گل

صرصرِ ظلميله  دينين گلستاني  سولدي گل         

سلب اولوب اسلاميان ياراسي يا صاحب زمان

سيّدي سنسن بوگون اسلام و دينين عزّتي          

مفخــرعرفان  و  قرآن مبينين عـــزّتي

گل بناي كفــري ييخ اي مؤمنينين  عزّتي             

بوگونون بولسونله وار فرداسي يا صاحب زمان

خائن اللــرتفرقه سالماقـدا طغيان  ائیلييب        

دين آديــــلا قصـد جان اهل ايمان ائلييب

قارداشي قارداشه دشمن قوم عدوان ائیلييب   

گل گئديب قارداشليقين معناسي يا صاحب زمان

سالديلار  بيگانه لر قارداشي،قارداش  جــانينه    

دشمن ايمندي،دوشن،يولداشدي يولداش جانينه

گل بو قدري  قويما  اسلامين  دگه  داش  جانينه        

تار اولا اسلاميان دنيـــــاسي ياصاحب زمان

 سيدي اسلامي امتـلرده وحدت قالمـــــيوب     

درك­ائداخ ضربت بيزه هارداندي فرصت قالميوب

خلقلرده عدل  و  انصاف  و مرّوت قــــالميوب     

  يوخدي دنيانين مگرعقباسي يا صاحب زمان؟

سالميري  ياده  چوخ  انسانلار  عذاب  آياتيني      

چوخلاري ياددان چيخارديبلار حساب آياتيني

ايليوب  انكار چوخ  چـوخلار  حجاب  آياتيني      

يوخدي غيظ حقّدن پرواسي ياصاحب زمان

باغلانيب  احبابه  اميّد  و رجانين  يوللاري       

سيّدي وارسنده هـردرده دوانين يوللاري

بيرنظرقيل امن اولا كرب و بلانين يوللاري          

اويولون اُلموش حزين شيداسي ياصاحب زمان

شاعر : حيدرخسرو شاهي (حــزين)

عرض ارادت ساحت مقدس حضرت امام زمانه(عج)

تمام کون ومکانين صفاسيدور آقامز                    

جهان واهل جهان پيشواسيدور آقامـز

کُْرات گر يوز اولا حق يارالدا بير قُلّه                   

همان اوقُلّه نين الحق هماسيدور آقامز

اوبش نفرکه اولوب کّل خلّقته باني                 

همان اوبش نَفرين دلربا سيدور آقامز

پيمبر و علي وفاطمه ، حسن  و حسين                   

خبر وئروبله بهشتين آقا سيدور آقامز

بـوشاهکـارخداونـدجـلّ اعلادور                   

هامـي نبيّ و وصيلر نما سيدور آقامز

اولارداهرنکي وار بوندا جمع ايدوب خالق                  

تمـام سوزلرينون ابتداسيدور آقامز

جهاندا خامه لرعاجز قالوبدي مدحينده                    

نچونکه مدحلرين انتهـاسيدور آقامز

د ئسم که نوري بونون گُوندي يامَـه تابان                  

نه مِهر و مَه که فلکلرضياسيدور آقامز

دئسم گوزلدي گوزليق پايين آلوب بوندان                    

گوزللرين گوزلِ بـر ملاسيدور آقامز

ايکي جهانـه دَه ير بيـرباخشي، بيرخالـي                    

تمـام مـاخلقين مه لقاسيدور آقامز

ائله مليح يارالديب ملاحتي يارادان                   

هامي مليحلر انگشت نماسيدور آقامز

وجاهت  و شرف  و  عزّتینده  بو  بس کی                    

امام عصريدي زهرا بالا سيدور آقامز

بونون وجودينا قائمدي عالم امکان                  

نچونكه درد خفا آشنا سيدور آقامز

 شاعر : اسماعيل فرشي (غمخوار)

التجاء ساحت مقدس مولا حضرت بقيه الله اعظمه

 سن کيمي بير گوزله هانسي گوزللّر تاي  اولي

 نه قـره خالووه تاي ، نـه ائله حُسنه ساي اولـي

چوخ گوزللّر ياراديب يوسفي  يعقوبه  وئرن

وئروب هر بير کسه پاي سن کيمي گوربيرپاي اولي

نقشووين  نقشه  سين ائيله بزييوب نقاشون

يئره دامسا او مـرکّبدن آخـار بيـر چاي اولي

گر نقـابي گوتوروب حُسن رُخـون ظاهـر اولا

خجيلي بير ائله نورِ رُخوون گون آي اولي

ايکي دنيايه دگـر بير ائله نازلـي باخشـون

اي گوزللر گُوزلي ائيله باخيش گُورداي اولي

گر خزان فصلي دوشه اُولكه ميزه بير گذرون

دولانار اوندا خزان فصلي چچکلي  ياز  اولي

سني تعريف ايليوب سندن ازل ختم رسل

بويوروبدي بالا مون گلماقي حشره تاي اولي

سني طاووس بهشتي تانيدوب ما خَلقه

حُسنوي ياز سالا عالمجه کُتب تاي تاي اولي

 عطروي آلما ساگلشن گُلي باغ ميوه لري

يا سُلار غنچه ده ياميوه گتيرسه زاي  اولي

سني هرکيم آتـا دنيا اتگينـدن ياپوشا

ايکي دنيا ده اوبدبختين ايشي آخ واي اولي

گر جهالتلـه بيري گلمـاقيوي رّد ائلييه

اونا انسان ديمگ اولماز گَرم اولسا گاي اولي

سنه خاطرگئجه گوندوز دولانور گُون گئچيري

مکّه دن تاگوره جاء الحق اوچون بيـرهاي اولي

سنيله روزي  وئـرور  مـا خلقه خالق خلق

او وجوديله فنـالـر دولانوب ابقـاي اولـي

تک نه بيز منتظروخ  منتظروندي يارادان

فرجين صحبتي هر شام و سحر هرآي اولي

هاردا تشريفون اولا گلشن جنّت دي اويئر

هامي بير فصل وجودونله بهاره تاي اولي

تيکميشم تکجه بـو دنياده سيـزه گوز لريمي

سيز وئرن پاي همي ساي سيز همي بي منّت اولي

بيرتمنادي يوزي قـاره بـو «غم خوار» ائديري

سن گلـن يولّارا  قربان کسيلـم من آي اولـي

 شاعر :  اسماعيل فرشي (غمخوار)

حسين تشنه لبون قانني آلان گله جاخ

وئروبـدي وعده خدا صاحب زمان گله جاخ                            

دولاندا ظلميله جوريله بوجهان گله جاخ

بئشينجي سينّه يئتیشميشدي ايليوب غيبيت                       

گلنده سينّي اوتوز بش کيمي جوان گله جاخ

دگول غيابي ، ظهوري ، ئوز اختيارينده                      

ظـــهورينه اونا اذن اولسا هرزمــان گله جاخ

گلن گونون دئيسه هر کيم بيلور،يالان ديوري                   

ئوزي ده بيلموري هانسي زمان،هاچان گله جاخ

بو انتظـار فرج بيـر بويوک عبادت دور                     

که باغ دين خداونده ، باغبان گله جاخ

اوکس که پاکدي ،  پاکيزه دي ،  مسلماندي                       

اونا امام ، اونا سلطانِ مهربان ، گله جاخ

اوکس که جور دگل ، حکم شرعيـــله عملي                       

اونا حدود ووران ، ويرميون امان ،‌ گلـه جاخ

بساط ظلمي ييخان ، دادگاه عـــدلي قوران                        

سعادتين قاپوسين يوزلــره آچان ، گله چاخ

 

وصول ائدن فقـــرا حقين ، اغنيـا لردن                        

بناي ، ظلمي ستم کاخيني يخان ، گله جاخ

قويـان جهـانيـده اجرايـه ، حکم قرآني                         

عدالتيله بو دنياني دولــدوران ،‌ گله جاخ

بـوديني ائيـلمه  آلت ، مرام  دنيـايـه                        

الينده حافظ دين ، تيغ جان ستان،گله جاخ

امامه پيرو اولان ، تابع هـوا ، اولمـاز                        

بهارِ عمـره بيلـر دورة خـــزان  ، گلـه جاخ

اوکس که پيرو(ايقان،بيان واقدس)دور                       

دئنه : ( امام زمان )گلميوب ،اينان ،گله جاخ

خيال باطلي ترک ائيله،گل مسلمان اول                       

بساط ( باب وبهـائي ) نيده ييغان ، گله جاخ

اوکس که قويموري قرآني خلق درس اوخوسون                   

اونوندا وار خطـري دورةي قرآن ، گله جاخ

ديمه امامــــه نيه گلموري ، نه حکمتي وار                        

دايان، عمللرون اصلاح ائله ،دايان گله جاخ

يالان دانشما ، قوماراويناما ، زنا ائيلمه                        

حدود شرعي گوزتله، که حدووران گله جاخ

ويريم بويئرده سيزه مژده ، اي حسينيلر                         

حسين تشنه لبون قاننــي آلان گله جاخ

پيمبـر عربـي ، « کهنموئي » جد ونـدور                         

سن افتخارائله دنياده ،که آتان ، گله جاخ

شاعر  :  شادروان سيّد حسين كهنموئي

امام زمان مهدي موعود(عج)

امام علي آهنگینده

طلوع ائدوب بير ايشيقلي نيّر،جهان چراغاندي                   

چمنده گل لرآچوبدي ، عالم ، چوباغ رضواندي

قائم سرمد ، نوگل احمد ، مير هدي ،  گلدي                    

يوسف زهــــرا ،  ماه دلآرا ، نور خدا ،‌ گلدي

مهدي جانم ، مهدي جانم ، مهدي جانم ، بيا                   

مـولا جانم ، مـولا جانم ،  مـــولا جانم  ، بيا

سحر افق دن ، طلوع ايدوبدور ، او ماه رخشنده                

گوروبدي نورِ جمالِ ماهي ، گون اولدي شرمنده

دهري ائدوبدور ، محو تماشا ، صورت زيبـاسي                   

عالمي ائيلوب ، غرقِ تجلّي ، جــلوة سيماسي

مهدي جانم ، مهدي جانم ، مهدي جانم ، بيا                   

مـولا جانم ، مـولا جانم ،  مـــولا جانم  ، بيا 

اگر دئسم آي،بو جلوه ليقدا،که ماه تاب،اولماز                       

اگر دئسم گون،بِله درخشان، بير آفتاب،اولماز

روشن ائدوبدور، ارض و سماني،نور جماليندن                          

طورِسِنادور،سامره شهري،شمع وصاليندن

مهدي جانم ، مهدي جانم ، مهدي جانم ، بيا                   

مولا جانم ، مولا جانم ،  مولا جانم  ، بيا         

آچوب ولايت،باغندا،بير گُل، بونوع گُل، اولماز                     

نقدري واردور،خدايِ عالم ،بوباغ، بوگُول،سولماز

گولُ نئجه بيرگُول، عالم اولوبدور، محو تماشا سي                    

گُول نئجه بيرگُول،گُوللر اولوبدور،عاشق وشيداي

مهدي جانم ، مهدي جانم ، مهدي جانم ، بيا                      

مهدي جانم ، مهدي جانم ، مهدي جانم ، بيا

او گول جمالي او خط و خالي گورن ديور به به                 

او خوش نگاهي  او مهر و ماهي ئوپن ديور به به

گُوللره باش دي،هم قره قاشدي،هم گول طاهادي             

لبلري غنچه ، گوزلري شهلا ، يوسف زهرادي

مهدي جانم ، مهدي جانم ، مهدي جانم ، بيا                      

مهدي جانم ، مهدي جانم ، مهدي جانم ، بيا

صباخبروئر ، بقيع چولونده ، يارالي زهرايــه                      

ده ، قويدي اوغلون ، پناه عالم ، قدم ، بودنيايه

غم يئمه،سويله کاخ جفايه،لرزه سالان،گلدي                    

اوغلون حُسينون،مُحسنينونده،قانين آلان،گلدي

مهدي جانم ، مهدي جانم ، مهدي جانم ، بيا                   

مولا جانم ، مولا جانم ، مولا جانم  ، بيا

                                   شاعر  : احد عدل جوي غازاني

 

استمداد

اي آفتاب چرخ عدالت هايانداســـان                           

عالم اولوبدي ظلميله ظلمت هايانداسان

آل ذوالفقاريوي اَله قيل کعبه دن ظهور                            

مظلوم اولوبدي اهل ولايت هايانداسان

                                 شاعر : احد عدل جوي غازاني

استمداد از يوسف زهرا (ع)امام زمان مهدي موعود (عج) « گَل آقا جان »

اي جان جهان جانلارا جان ، گَل آقا جان گَل                هجرانيوه يوخ تاب و توان ، گَل آقا جان گَل

 

اي  مصتبة  عشــقده  سلطان   حقايق                                 پابوسلرون  اولموش  آقا  ديديوه  شايق      

يار يارينه عاشقدي ولي بيز سنه عاشق

سن سيز بيزه زنداندي جهان ، گَل آقا جان گَل

 

اي پرتو  حُسن  ازلي  نور  محمد ( ص )                                  بند دل   زهرا    و    علي   نو گُل احمد    

گَل گَل سنه قربان اولاق اي قائم سرمد

گوزلور سني بو خسته دلان  ، گَل آقا جان گَل

 

اي  حجت  خــــلاّق  جــــهان  آيت  كبري                    

اي طلعتي اون دورت گئجه ليق آي كيمي رخشا   

اي عشق  طبيبي  بيـــــزه  وصلوندي  مُدا وا

قور تاردي داخي طاقت جان ، گَل آقا جان گَل

 

اي پـــرده  غيبتده گزن  ماه  دل آرا                                      گورست ئؤزوي عالمي قيل غرق تجلي

گوزلور سني عاشقلرون اي يوسف زهرا

گُل عارضوي ائيله عيان  ، گَل آقا جان گَل

 

اي شمع شب افروز شبستان ولايت                                               وي نيّر  تابنــــدة  اسپهر  امامت

اي ماه درخشندة گــردون عدالت

ظلميله داخي دولدي جهان،گَل آقا جان گَل

 

اي عارضي گون تك ائدن عالملري روشن                           عاشق لروه  يوخ  بو  فنا  دهـريده ، ايمن 

درمان ائدن عالمده هامي دردلره،سن سن

گوز ياشلار يميز اولدولا قان  ، گَل آقا جان گَل

 

اي مهري خجالت  ائلي ين  نورجمالي                                اي مظهر طاها و علي خوي  و خصالي

گَلسن دونروك  باشيوا  پروانه  مثالي

قويما بيزي چوخ اشگ فشان ، گَل آقا جان گَل

 

اي غملي قرانليق گئجه نون صبحي ، پگاهي                       اي بيكس و درمانده لـــرون پشت و پناهي

يانديردي دلِ عالمي مظلومـــــلارين آهي

دين گُلشنيني اولدي خزان  ، گَل آقا جان گَل

 

اي جدي حسينون توكولن قانين آلان ، گَل                      اي خاك بقيعده گوزي ياشـلي دولان ، گَل  

اي فاطمه نون قلبيني غمـدن قوتاران ، گَل                  آز چوللري گوزياشلي دولان ، گَل آقا جان گَل

شعراز : احد عدل جوي تبريزي

 

سرود ميلاد باسعادت حضرت مهدي (عج)

سمادن بو  ندا  گلدي                      گُلِ آل عبا گلدي

سحرگون چيخماميش گويدن     يئره نورِ خدا  گلدي

گُــل  زهرايه  باخ،گوزل سيمايه  باخ

جــمال   حيدره،رُخ   طاهايه   باخ

گوزون روشن سنون                    اولا     يا        فاطمه

گُوليله        گُلشنون                    دولا    يا        فاطمه

بيا مهدي بيا ، بيا مهدي بيا

آچوب گُول، گُلشن رضوان     قويوبدور عالمي حيران

بِئله گُول گورميوب عالم        نه گُول ،گُللر اونا قربان

جهانه  جان  گلوب ، گُل  رضوان گلوب

جمالي گون كيمي ، مه   تابان   گلوب

بيا مهدي بيا ، بيا مهدي بيا

اولوبدور چون مَه رخشا                جمال  يوسف  زهرا

چخوب گُوللر تماشايه               آچوب دل بلبل شيدا

ويرور  جان   گللره ، فَرح      بُلبُلره

آچوب گُللر گولور ، گُلِ       پيغمبره

بيا مهدي بيا ، بيا مهدي بيا

گُل  باغ جنان گلدي             صــفاي گُلستان گلدي

صبا وئر  مژده زهرايه           بالان صاحب زمان گلدي

گَل  اي  فخر   زنان ، گلوب مهدي بالان

بسيط   عالمي  ، ائديب رشگ  جنان

بيا مهدي بيا ، بيا مهدي بيا

با خون ماه دل آرايه                     گُل  زيباي  زهرايه

گونه بنزر جماليندن                   وئروب دنيايه پيرايه

گُلِ   زيبادي    بو ، علي   سمادي    بو

گُل  رضوان  دَيور ، گل  زهرادي   بو

بيا مهدي بيا ، بيا مهدي بيا

گَل اي عالمللره سرور             گَل اي زهرايه غم پرور

ظهورون ايسته آلاهدان         سني گوزلور بو عاشقلر

دوتوم گل دامنون  ،     گوروم لطفون سنون

هامي  با هم  دئسون ، كور اولسون دشمنون

بيا مهدي بيا ، بيا مهدي  بيا

شعراز : احد عدل جوي تبريزي

 

دوشوبدي ساية ظلمت جهانه يا مهدي                         دونوبدي شيعه لرين باغري قانه يا مهدي

فساد  و  ظلميله  دنيا  اولوبدي  آكنده                          گل ائيله  چاره  بو درد  گرانه  يا  مهدي

شعراز : احد عدل جوي تبريزي

گله جاقدي

اي غملي كونول غم يئمه جانان گَلَجاقدي

درمانده لرين  دردينـه  درمان  گَلَجاقدي

بيرگون  اولا  جاخ  دلبرمين وصلي  ميسر

گل صورتي چون مهر فروزان گلجاقدي

گل عارضي گون تك ائده جاخ عالمي روشن

اون دؤرت گئجه ليق آي كيمي تابان گلجاقدي

همچون گُل جنت دوتاجاخ  عالمي ،عطري

گُللر گوزلي گُل كيمي خندان گلجاقدي

دنياني  منور  ايده جاخ  نور  جمالي

رحمت گويونه ماه درخشان گلجاقدي

آيدين سحري قورتارا جاخ ظلمت شبدن

گون تك ايده جاخ عالمي رخشان گلجاقدي

ديللر ايويني  طور  تجلي  ائده جاقدي

عشقين ائوينه  شمع  شبستان گلجاقدي

عالم اولاجاخ طور ، تجلاي روخوندان

دنياني  ائده  روضة  رضوان  گلجاقدي

 نسيلن يئر اوزوندن كَسَجاخ ظلم و فسادين

دنياني  ائده  صحن  گلستان گلجاقدي

دلبند علي ،  يوسف  زهرا  ، گل احمد

سلطان  همه  عالم  امكان  گلجاقدي

اي گوزلريم عاشق سن اگر،گورماقا ياري

باخ يولارا بير گون اوسليمان گلجاقدي

هر چند كه هجران غمي مشگل اولي صبرا ئت

بير گون وئره جاخ بو غمه پايان گلجاقدي

آز آه و  فغان  ائيله  دئيون  بلبل عشقه

گُللر آچا جاخ  فصل  بهاران گلجاقدي

جانا  بو  قدر  ائتمه فغان دردين اليندن

هر درده دوا ، الده او لقمان گلجاقدي

غم ائيلمه چوخ گلماقينا واردي يقينيم

 چون وعده وئريب خالق سبحان ، گلجاقدي

ايّوبه دي يون  آغلاماسين ، موسم هجران

باشه  يتیشوب  يوسف  كنعان  گلجاقدي

ساقي دئنه هر مست مي  و  بادة  عشقه

جام  الده  شه  باده  پرستان گلجاقدي

آز ائيله فغان « عدل جو » درد و غم اليندن

درمانده لرين  دردينه  درمان گلجـــاقدي

 شعراز : احد عدل جوي تبريزي

مصلح جهان

اي  يگانـه  مصلح دنيـا  و  ديـن  يابن الحسن

گل يولون گوز لور هامي اهل يقين يابن الحسن

اي هدايت چرخينون بيرنيّـر تاباني گل                

اي سريرِعزّت  و آزادگي سلطاني گل

گل گلن يولاروون تپراقنون قرباني  گل                  

اي اميدِ عترتِ حبل المتين ،‌ يابن الحسن

اي حريم مصطفايه يوسف  گل پيـرهن                

دولدوروب دنياني يابن العسکري جور  وفتن

دم وورار چوخلار جهاندا ، صلحدن ، اصلاحدن                

گل ييغشديرسون بساطين آن واين يابن الحسن

بير مريض عشقه بنزر بوجهان جان اوسته دي                 

عالم اسلام يکسر ، کفر اليله ، خسته دي

روزي هر ذي حيات ، آخر سنه وابسته دي                 

اي الينده آفرينش ، بير نگين ، يابن الحسن

انحرافه چکسه اسلامي ، اگر اهل ضلال                   

يوز وئرر قلب رسول اکرمه درد و ملال

 

اولما راضي جدّوون احکامي اولســون پايمال                 

اي سرير عزّته مسندنشين ، يابن الحسين

سن اوسلطان عظـــيم الشان سن اي شهريار                 

که ظهوروندان چکر بيراهل عـــالم  ، انتظار

دورايدرفوج مَلَک ، درگاهيوي ، پــــروانه وار                 

خاک بوس مقدمــون روح الامين ، يابن الحسين

دوزدي عُشّـا قين فراقوندا قالوب آغلارگوزي                  

دل اگر مسئول ئوزين بولسه دانيشماز هر سوزي

سرّ تأخــيرون ندور عاليم دي بير الله ئوزي                   

نه بولر اخيار ، نه اهل يقيــــــن ، يابن الحسن

نا مسلمانـلار  وورار، اسلامـه هردم نيشخند                    

سنگدل لر نـه تذکّر بير قبول ائيلر، نه پند

پردة ي غيبت اوگول رخساره حايل تابه چنـد

تابکي مه يوزده قالسون ، آستين ، يابن الحسن

اي وجود نـازنيني عالـم خلقــــــتده تک                   

بير دولانسون باشيوه ، دُور ايلوري ، دور فلک

کسب فيضه عرش اعلادن ، نزول ائيلر ، ملک                 

پاي  بوسون حسرتي ، عرش برين ،  يابن الحسن

عالمين اصلاحينه ، گوزلر هامي ، عالـم سني                 

آشنالر ده بـولر ، ئوز دردينـه ، محرم سني

شيعه لر ، شا ها تانور ، مطلق وليِّ دم ، سني                

گَل قصاص آل کس هامي ظاليم الين يابن الحسن

سيّدي گـرياده سالسام کــربلا طوفـــانيني                  

دولدورار حتماً  ، سرشکيله ، آنـان دامانيني

گل اَلون قرباني آل جدّون حسينون قانيني                    

عدليله دولسون هامي روي زميـن ، يابن الحسن

سيّدي حيراندي عالم جدّيون تمکـــينينه                    

اولمادي بيرکس ائده اقدام اونون تکفينينه

کوفه دن ، اوچ گون صورا ، تکفينینه ، تدفيننه                

گلدي اعجازيله ، فخرالسّاجدين ، يابن الحسن

گوزلرون قرباني ، طول اولدي ، زمـــان انتظار              

تا به کي ، احبابون اولسون هجرالينده بي قرار

صدرزهرانـــــين شفاسـين ، اي ولي كردگار               

ذوالفقارونده  قويوب ، خلق آفرين ، يابن الحسن

سيّدي سنسيز بودنيانين يوزي گولسون محال               

بو اميديله يولون گوزلر ، سنون ، اهل کمال

انتقام حضــرت زهـــراني گَل ، دشمندن  آل

ظلمونون گورسون جزاسين اهل کين­يابن الحسن

سيّدي نچّــه جهتدن من مريضم ، يوخ سوزوم

بو بلالرده ، صفالر وار ، بوني ، بولّم ئـــــوزوم

چون وليّ نعمتيم سنسن ،  الونده وارگـوزوم

خدمتين «خوندل» بولر ناقص همين، يابن الحسن

     شاعر  : مرحوم حاج حيدر خوندل

استعانت از امام زمان ( عج ) ا…

طلوع ائت مشرق اسلامدن اي نيّر اعظم                                       

وور انوارِ جلاليه بسيط عالمه پرچم

ئوزون گل نوروويله ظلمت كفري ائله زايل                                   

آلا،تا برق ايماندان دل وجان بني آدم

اولان اي گل وجودي عَيبةُ العلمِ خداوندي                                

ظهورِ علموويله دهره سال بانكِ اَناَالاعلم

اولان اي گُل يوزي آئينة  آئين پيغمبر                                 

گل اولسون منكسرآئين زردشتي وجام جم

مُسخّرقيل جهاني نامو وه وور سكةدولت                                  

وجودي ، اي وصيّ خـاتم پيغمبر ، خاتم

جهاندور ريزه خوارون سفرةاحساني فرش ائيله                 

گوروب احسانوي حسرتله حسرت ائيلسون حاتم

جمالون نوري نورچشم دور هر محــرم عشقه                        

وورار بيرمهركوري چشمينه هركور نا محرم

گل اي روشنگرعالم جهالت دوتدي دنياني                          

ئوزون گل مشتِ دانش وور،سرِ نابخرده محكم

 

اولوب بدعتگذاران قدرتيله ، نظم دين ،برهم                 

گل اي دين ناظمي بدعتگذاران نظمين ائت درهم

ساتوپ دنيايه بو دل مرده لر قرآن و اسلامي                     

بو اُلموش ملتّه وور بانگ «قوموا» اي مسيحادم

دوتوبدور ظلم دنياني عدالتدن خبر يوخدور                       

عدالت پرچمين گل آچ ئوزون اي سيّد عــالم

رژيم چارپايان حكمفرمادور مجامع ده                            

ئوزون گل ائيله بو وحشيگري تشكيليني برهم

 ترقّيخواه اولانلار بيخبردور عار و غيرتدن                          

بهائم تك ياشار ، امّا ترقّيدن وورار ، چـوخ دم

ائدربعضي ترقّي جو غزال عصمتين آزاد                            

غزاله هرخطر يوز وئرسه ابرويه يئتيرمَز ، خم

ائله تعليم ائدبدور ئوز غزال عصمتين،بدبخت                

كه مين صيّاد اوني صيدايتماقا قصدائتسه ائتْمَز، رَم

ترقي بئيله اولسا ، بوترقّي واژگون اولسون                        

مگــــــــراهل ترقّي غيرت دينين دوتار مبهم

ترقّي يعني انساني ترقّي ، ضــــدّ حيواني                        

گوزل راق دورترقّي گر تديونله اولا  تـــــو ام

ياشار بيدين ، ترقّي ائيلينلر اشتباه  اوسته                         

اولار بيدين ترقّي گرده  وحشت وحشته مدغم

ترقي يعني مخلوقه شريك درد و غم اولماق                      

نه چون اعضاء همديگرديلـــــر نوع  بني آدم                                          

اوركلرقانه دوندي اي حسين قانين آلان تئزگل                  

اماندور قويما قالسون يئرده بوقان اي شه افخم

دگل انسان ، دگل آدم ، او كه سيرحياتينده                 

گورر هم نوعيني غمگين ئوزي شادان ياشار بي غم

ئوزون گل ملّت اسلام و قرآنه ترقّي وئـــر                          

بو اهل دينه وئر شخصيّت ، اي شخصيّت عالم

ئوزون گل بوترقّي جو لره درس ترقّي وئر                           

امام مهدي غايب  ، ترقّي جولــــــــره اقدم

ئوزون گل بوجهانه نشرقيل معناي قرآني                           

عَلَم ، ئوزقامتين ، قويمـا ائده  هر فرد لا يعلم

اوكس كه رأيي جه تفسيرائدر قرآني عالمده                        

اونون اطرافياني ، بوينوني  وور ، تيغيله با هم

اولار كه عترت و قرآني عالمده دوتار آيري                          

اولاردي منكر آيات و اخباري دانــان ، از دم

ائدوبدور شيعه باغرين تهمت بيگانه لر خونين                      

بوزخم دللره اي آشنا گل سال ئوزون مـرهم

صفا وئر اي صفاي عالمين هرقان اولان قلبه                        

جمال شيعيه وئر آبرو ،  اي مفـــــخر زمزم

بهاءِ بي بها اتباعيني نابود و محـو ائيله                             

ئوزون گل باغلا بابي بابيني وور قفل مستحكم

اوركلرقانه دوندي اي حسين قانين آلان تئزگل                  

اماندور قويما قالسون يئرده بوقان اي شه افخم

گل اي آغلارگوزون قرباني آل ئوزجديوين قانين ياشا

بيرگُل كيمي،گول شاد وخندان،چك نفس،ووردم

عزاي شهسوار كربلاني يئريوزوندن ييـــغ                        

دَرِآل ابوسفيانه وور دور پرچم ماتم

گنه شوره گلن باشيم هواي وصل يار ائيلـر                       

هواي وصل ياريله ئوزين غمـــدن كنار ائيلــر

سروش وحدتيمدن گوش هوشه بو ندا گَلدي                     

كه يزدان نيمة شعباندا لطفين ،  آشكار ائيلــر

اولار فجر رجا جيب افقدن برملا  ظــــاهر                        

هامي نوميــد دن يأسي آلار امّيد وار ائيلـــر

كه يعني حجّت ابن العسگري صاحب زمان مهدي                

بو دنيايه گلن گوندور بو گفتارين كرار ايلـــر

اوبيرمولود دورسامّره ده گلدي بو دنيــايه                          

اونون نوريله سامرّا ،‌  جهاني ،   نور بار ائيلــر

آتاسي بومحمّددور آناسي حضرت نرگس                            

باباسي احمد مرسَل اوختم هشت و چار ائيلر

اصولاًشاخةگلدن وئرر باش هرگل نرگس                            

بوگل دين نرگسيندن ئوز جمالين آشكار ائيلر

هميشه جانب شهدن مُبَرهَندور گلر عسگر                     

و ليكن عسكريدن جلوه ، بو شاه كبار ائيلر

ياشارحاضرده سكّيز ايل ، آتائيله ،  آنائيله                         

آتاسيدان صــــورا دنياده  غيبت اختيار  ائيلر

گَزَرمين حسرتيله پردة غيبتده مين لر   ايل                      

باخارهي ذوالفقاره گوزياشين گوزدن نثـارائيلر

وئيرر صيقل مُداوِم  ذوالفقارِ تيز و  برّ ا نـه                        

باخار آغلار گوزيــله كربلايــه ، آه وزار ، ائيلر

دييَرقالدي الهي يئرده آخر جدّيمين قاني                              

مـــني بو ماجراي غمفزا چوخ بيقرار ائيلر                   

توكرگوزياشيني حقدن ظهورين دمبدم ايستر                          

اوقانــي آلماقا چوخ آرزو،اول شهريار ائيلر                         

الهي وئر اجازه حضرت صاحب زمان گلسون                        

جهان ناامن دورجان جهان روح اَمان گلسون                        

يوزين اي طلعت دين ابر غيبتدن كنار ائيله                        

دوتوب ظلمت جهاني نوريـــويله نور بار ائيله                      

اوقدري قالمري دين باغينه باد خزان اسسين                  

گل اي دين صاحبي دين گلستانين نو بهار ائيله                 

اوركلر قانه دوندي گلدي بدعت بدعت اوستوندن               

يئتيش امداده بو بدعتـــلري گل تار ومار ائيله                   

ياتوبدور امّت قرآن قالوبدور خواب غفلتده                    

بوقرآن اهليني هوشه گتور ، بير هوشيـار ائيله

يولوندا منتظردور شيعه لـــر چوخ انتظاريــله                     

ئوزون اي مُنتَظرگل اختتـام انتظار ائيله                     

جهالت قدرتي ائيلر حکومت سطح دنياده                     

ئوزون گل يئر يوزين ده گوهر دانش نثار ائيله                     

اجانب دائماً قرآنياني خوار و زار ايستر               

ئوزون گل­مسلميني خوارائدن­اشخاصي خوارائيله                

تَجَمُّل آرتوب ، از بس آلدي دللردن ،  تجلاّني                    

تجلّي بخش عالم ، گل تجلّي ،  آشکار ،   ائيله

هره بير يول دوتوبدور ظالمانه عدل فرض ائيلر                    

بيله ظالم لري الدور جحيمه ، رهسپار ،  ائيله

فساديله دولوبدور يئريوزي ياغيرة الرَّحمن                         

فسادي يئريوزوندن ييغ صلاحي استوار ، ائيله

عدالت يوخدي دولورموش جنايت سطح دنياني                  

گل اي شاه   عدالت جو ،  عدالت بَرقرار ، ائيله

شماتتدن يانوب تاکي اورکلر زخمدار اولسون                      

ئوزون لطفاً ، مــــداواي قلوب زخمدار ، ائيله

اولوب ديني مجالس خالي امّا فسق ائوي مَملوّ                   

جماعت چخدي يولدان يولاري گل راهوار ائيله

چخوب بيرعدّه تحريف ائيليـور احکام   قرآني                   

اوقومي طعمـة شمشير  تيـز  و  آبـدار ،   ائيله

گوزي يولدا نقدر  آغلار گوزيله شيعه لر يانسون               

الونله پاک خونين ،  اشگِ چشمِ اشگ ، بار ائيله

دوزاق تا کي ، شهيدان وفا ، قاني قالا  ،  يئرده                

گل آل بوقانلاري ، اعدانـي تـيره ، روزگار ، ائيله

بيزي بي صاحب ائيلر ، حساب اهلي،شماتت لر                

بيزه گل صاحب  اول شا ها  قرين  افتخار ، ائيله

حقيقي مُنْتَقم گل آل ئوزون ئوزجدّيوين قانين                 

دل مجروح زهرا دن  ، بير آز ، کسر شرار ، ائيله

ئوزون آماده ائيلـه ( تائبا )  بيـر پاک  قلـبيله                  

وليعصر آدين ، اوندان صورا ، دلده  شعــار ائيله

شعـارپوچ بي علم وعمل هرگـز ثمـر  وئـرمـز                   

معاصيدن اوزاق دوش ئوز ئوزين پرهيز کار ائيله

گلنده حضرت صاحب زمانون شرمسار ، اولمـا

آچيق آنيلّه سن درک حضـــور شــهريار ائيله             

 شاعر  :  حاج صادق المتخلّص(تائب)

استغاثه حضرت مهدي قائم آل محمددن(ص)

قائم آل محمد شــــه عالي فريميز گل

وارث احمد امجد ، اي گوزل رهبريميزگل

شه عالي فريميز گل، با وفا سروريميز گل

شيعه لر قالديلار باشسيزاي گوزل رهبريميز گل

شيعنون جاني سنون تك شه عالي فره قربان

بير جهان ســرور عالم بئله بير سروره قربان

رهبران هامي دوران سن كيمين رهبره قربان

              ئوزي منصور و مويد مه سمين بريميز گل 

درد هجـــرانوويلن نه گئجه نه گوندوزوموز وار

سوزليدور سوزلي ئوركلر سنه گيزلين سوزموزوار

يولــووي گوزلوري گوزلر يولدا دائم گوزوموز وار

                     اي وفادار مسدد درد آلان دلبريميز گل

سن كيمي  دهریده   بير   مصلح  كلّ  ملل   اولماز

يوسف فاطمه  ،   هرگز سنه  ،    شبه و بدل  اولماز

چوخ گوزل واردي بو آفاقيده سن تك گوزل اولماز

            مهدي  آل   محمد   ،  دل آلان  دلبريميز  گل

شيعه لر قالديلا باشسيزاي گوزل رهبريميزگل

قالميوب شيعه لرين دلده داخي صبرو قراري

انتظارونلا  نه  قـدري  ائلي یاق  روز  شماري

يا نه  انـــدازه  چكاخ حسرت ديدار  نگاري

                عشقوه دل دي مقيد اي نشاط آوريميز گل

بولوروق سن ايده سن ترك سفر جمعه گونونده

صبح گـــاهان ايده روق مدنظر جمعه گونونده

گوزلوري اهل ولايت سني هر جمعه گونونده

         باشدا بير جيش مجند فاخر و مفخر يميمزگل

اب وجدّون شرفادي خلف پاك خلف سن

فخر آباء  سلف سن ، وارث شاه نجف سن

جوهر ذات ادبسن شرح معناي شرف سن

                 غيبتي اولان ممتد پربها گوهريميز گل            

سرو ،  قدون كيمي بير سرو  سمنبار تاپولماز

گولِ حسنون كيمي بير   زينت گلزار تاپولماز

چوخ قزل گول اولي سن تك يوزي گلناري تاپیلماز

              اي يوزي وردِ مورّد گول خوش عنبريميز گل

ائتموسن الفت اوزون سير بيابانيله مولا

آناوي ديلده گزرسن دل سوزانيله مولا

سسلوري شيعه سني ديده گريانيله مولا

             غيبتون اولدي ممدد يولدادي گوزلريميز گل

سن بياباندا ، بيز ائوده ، سنون احوالووه يانوق

دوشوب آردونجا دولانوق نه يورللوق نه دايانوق

گلسن اي  شمع  وفا   باشوه  عشقيله    دولانق

       اي اولان عشقه مفرّد شه خوش منظريميز گل

نقدر وار سنيله وادي حيرتده دولانماق

منتظر حاليله بو عالم حسرتده دولانماق

شمع دينه نه روا پرده غيبتده دولانماق

                 اي اولان غيبتي سرمد قائد عنبريميز گل

گه سالورسان ئوز آنان فاطمه نين حاليني ياده

گلسون مــدفن پاكينده اونون شيون  و  داده

گه بقيعه گئدوسن ، غم وئروري  صبروي   باده

                    آتش آهي ممدّ شه دين پروريميز گل

گه سالورسان يولــــوي باديه كرب و بلايه

دوشنوب مرقــــد ششگوشه شاه  شهدايه

گلسون اوردا سن آغلار گوزيلن شور و  نوايه

  آخرین وارث احمد ، حجت داوريميز گل

 شاعر :  تائب تبريزي

ميلاد مسعودحضرت ولّي عصر(عج)

بوگون بيــرعيد اعظمدور صبا وئر مژده  زهرايه

دئ ، اوغلون حجّت قائــم ،قدم قويدي بودنيايه

ازل بو اهل اســـلامين دلينجه عرض تبريک ائت                    صـــورا سوئیله که اي محبوبـه ذات حيّ يکتايـه

سپهــر فضلسن عالمـــده جانلار شانـوه قربـان                     سزا دور افتخـــار ائتسين هميشـه چرخ ميـنايه

سالوب اولدوزلارون شعله جهانه شمع رخشان تک

يانالّار ليک سونمــــزلر بولار مشعلـدي عقبـايه

اودم که ايسته دي وئــرسون جهانه زينت و زيـور                   ياراتـدي حق سني گنجينه ، اون بيـــر دُرّ زيبايه

او اون بيـر گوهر شبتابيــــله دنيـا تاپوب زينت                       اولار معنـاده پير ايش وئروب بـو سطح غـــبرايه

اوني گلمشدي دنيايــــه قالوردي بير دُر رخشان                      اودا گلــــدي جهانه خلق يئتدي فيض عظمـايه

اولوبدور قائـــــــم آل محمد گون کيمي طـالع                             رُخ پرتو فشـانینــــدن وئرو بدور جلـوه دنيايـه

ائلـــه بيرگل آچيلدي گلشنونده اي گل طـاها                       ووُرارمين طعنـه عطري گلشـن فردوس اعلايـه

نه گل بير هيکل توحيـد دور  مريم گَلَه اي کاش                     گوره بودم وئرو بــــدور عالـم معناده عيسايـه

ائله گولدور بوگول يکسر جهاني چولقيوب عطري                       تماشا  ائيليين  دويمـــور  ئورونده  گل  تماشايه

ولي يا فاطمه گلسـن گـــــذارون کربلادن سال                        حسينــــه وئر خبر اي صبرائدن هر ظلم وايذايه

بويور ياتما حسينيـــم ، انتقامـون دورآلان گلدي                      گوزل قـانون قالا يئـــرده بومشکلدور او مولايـه

تشيع عالمينـده وار بــوگون بيرئوزگه احساسات                        صداي البشـاره  اوج  ائــدر  يئـــــردن  ثـريايه

جهانـه سس دوشوب يکسرگلون صاحب زمان گلدي                     اوجالدي پرچم اسلام ، آرتدي دينه پيــــــــرايه

امام منتقـم دور بو آلان ئوز جدّينـون  قانيـــــن                              بو مـــولا دور سالان لرزه جهانـــدا  قلب  اعدايه

بومــــــهر عالم آرادور گون اوندان کسب نورائيلر                          بو بيــــــر گنجينة عزّتـدي عالمـده گرانمـايـه

بوبيـــر شمع شبستاندور سالان عالملـره شعله                         هامي جانلاردي پروانه  جهانـــــدا  بوديل آرايه

بوبير عنبـــــر فشان گولدور تماماً گل لره مفخر                           بو بيـر سـرو دلارا دور سـالار عالملــــره سايه

بو بيـــــر ماه درخشاندور گزر گرچه بولود ايچره                          وليـکن حکـــــم فرمـا دور يئره خلقه گونه آيه

بوحجتددور اولان قائـم گــزن چوللّرده سرگردان                  سالان سوز و غـــمي هرآن شراره کوه و صحرايه

بو  شه چوخ جدينون آخر وداعين ياد ائدوب آغلار                  دييــر جدّا وئــرر بو غـم قرارو صبري يغــمايه

اودم که آيريلــیردون سن گوزي ياشلو حرملردن                    دوتوبــــلار دامنون قيزلار توکوبلر اشگ سيمايه

ره حقدن اوگون جدّا رُقيه ن دن ال اوزدون ســن                      دالو نجــا قـالدي آهوتـــک مَلَر تُف بيله دنيايه

ئوزونــــده آيريلا نموردون اودُردانه اوشاقلاردان                          او حاليـــله  وئـــرردون  سن تسلّي آل  طاهايه

مني قان آغــلادار هرآن عمّم زينبــــون حالي                            آنام زهــــراکيمي دوشدي باشي عالمده غوغايه

امام منتظر باب کرمـــدور درگهون خلقـه                                  اودور که« اعظمي »درگاهوه گلـدي تمنّايـه

هاني منــده لياقت اولمـا قا  نوكر شه  دينه                             ولي فخر ائيلــرم من خادم  اولسام امّ ليلايه

 شاعر :  مرحوم اعظمي تبريزي

ميلاد مسعود حضرت صاحب الزمان (عج)

سزادور مژده وئرسين پيك حق جنّتده زهرايه

كه اي خاتون محشر قائم اوغلون گلدي دنيايه

اونون يمن قدوميندن جهان طرفه گلستاندور                        وئروبلرسس سسه مدحينده بُلبُلرغزلخواندور

غياباًچشم روشن عرض ائدور شيعه خراماندور

يئره گلسون سماوات اهلي لايق دور تماشايه

نئجه  مولود ؟ تعريفــه زبانِ  بي زبان  ايستر                               كه يعني قدرت نطــق خداي لامـكان ايستر

دئماقدان ديل كتابيندان قلم عذرعيان ايستر

قضا مبهوت  و حيراندور، قدر بو ماه سيمايه

نئجه مولود؟آلارحسن وملاحت كشوريندن باج                            ائــــدرصبردل عشاقي فوج غمزه سي تاراج

اونون مينـــلر عزيز مصر سهم عشقينه آماج

ووُرار پابند عشق كمتري طعنه زليخايه

نئجه مولود؟هرگزمن دئمم بيرطفل ابجددور                           دئسم زيبنده دور سرماية فخر اب و جد دور

هامي اوصافي تشبيه وجــودپاك احمد دور

بونو باوَه ن گلوب ديلدن گوزل يتدون تمنايه

سلام و تهنيت عرض ائيليروخ بيزده بومولوده                            تشكر  بينهايت  ائيلــــيروخ  درگاه  معبوده

بيزي الله بومولوديلــــه نائل ائتدي مقصوده

بحمدالله يئتيشدوخ لطف حقدن فيض عظمايه

وورار كام  دل اهــل  ولا كامنجه گام  عالم                               عدالتله دولار عالـم  بساط ظلم  اولار بر هم

يئتر باشه مصيبت قورتولارغم ختم اولارماتم

دونر  دنياي  دونون رفعتي جنات  اعلايه

بودورمسرورائدن غمگين اولانلارقلب ناشادين                               بودورظلاّم عالمدن آلان مظلـــــوملردادين

بودور ويران ائدن اهل جفـــانون قصرآبادين

مُميَّز دور تماماً خير و شرّ و زشت و زيبايه

اگربايرامدي ليكن دوشدي صحبت ظلــم ظالمدن            سوزين­طرزين­دگيشيديم منصرف اولدوم خياليمدن

گوزوم بيرقاصد ايسترگوندره اشگ زلاليمدن

خبــر وئرسين بومولودين قدومين آل طاهايه

دئسون­اي­خوش گونه دنياده حسرتله گوزوز روشن                  گورن دشمن اَلینــــدن چوخ اذيتلرگوزوز روشن

زبان حاليله عرض ائيــــــلور اُمتلرگوزوز روشن

گلوب خونخواه ، اي ناحق آخان قانلاري صحرايه

ستمله آيريــلانلار صاحب والادو  قارداشدان                                  اولونجه غصه دن آيريلميانلار گوزلري ياشدان

يئتيشدي منتقم آچسونلا قاره معجري باشدان

   داخي گوزتيكمه سونلر انتقام صبر فرسايه

آچيلسون قلبي شاداولسون اوركدن زينب كبري                  ياخونلاشدي اوگون اولسون قصاص روز عـاشورا

جــــزايه  قاتل اكبر يئتيشسون  دلده  و اويلا

وئريلسون مژده سي غمكش آناسي امّ ليلايه

دولي گوزله سريّه نوعروسه هــــر باخان ساعت                   اشاقه­سالماسين باشين دوباره چكمه سين خجلت

يا خوندوركامه يئتسين قاســــم داماد مه طلعت

تا پا طوي  حجله سي داماد گلما قيله  پيرايه

ربابون آزقالور غمدن بلالي گوگلي دينجلسون                         ياخوندور آه  پيكاني نشانگاهه   دگوب دلسون

مقام  انتـــــقامه  بي مروّت  حرمله  گلسون

آلنسون اصغرون قاني ویریلسون تيغ او ترسايه

ياخوندور تابعان آل سفيان خوار و زار اولسون                           ابولفضلي خجالت ائيلينلر شـــرمساراولسون

آلنسون قاني دشمندن اوشاقلاركامگاراولسون

ملالي زايل اولسون  هر با خاندا تشنه سقّايه

شعر از : مرحوم حسين حافظي تبريزي

نه وار چمن گل آچوب لاله زاريدور بوگئجه

نه وار چمن گل آچوب لاله زاريدور بوگئجه

خزان عشق بيـزه نو بهاريدور  بو  گئجه

چمن گولورگل آچوب نسترن ، يا نورلاله

شرارعشقيله ديل بير شراريدور بو گئجه

نه وارمگر قورموش شاخه لرجوانه وئروب

نـگارلطفي بيـزه آشکـار يدور بو گئجه 

نه خواب نازايدي  ساقي پياله ني  گزدير

فراق باشـه يئتوب وصل ياريدور بوگئجه

مشامينه  يئتيشوب  بوي گل  او دور بلبل

ئوزون هلاک ائدوري بيقراريدور بو گئجه

شميم عشق يئتوب جان مشامينه ياران

که مـرغ سينه بئله کامـکاريدور  بو گئجه

جنون عشق اولان عاشقلره وئرون مژده

ديولّه بيزلره ده بخت ياريـدور  بو گئجه

ئوزون وئروب اودا ياندي کول اُلدي پروانه

قدوم دلبره جان خاکساريـدور  بو  گئجه

 

نويد وصل ائشيدوب شمع ، شوقيدن اريوب

وصال مژده سينون اشکباريدور بو گئجه

چالوربنفشه اوخور ياس رقص ائدور سوسن

که خلق آرا شب قدر اشتهاريدور بو گئجه

اوچو بـدي طائر دل ئوزگـه بير هوائيلـه

نگـار مجلسينـه رهسپـاريـدور بوگئجه

نه من ، نه سن هـامي ذرات کائنـات،اونون

قـدوم پاکينه ، چشم انتظاريدور بوگئجه

ديولّه يـار  گلور رهگـذر لرين   بـَزيون

چيخون قباقه گلن شهرياريدور بوگئجه

سبيل اشک ائلييون يوللارين يوون گردين

سپون گلاب گلن گلعذاريدور  بو گئجه

سرشک چشميله گوزکاسه سين ائدون لبريز

گويون ملک لري گوهر نثاريدور بو گئجه

آچـون نياز الوزي حيّ بـي نيـازه   طرف

دعا ائدون که دعانين بهاريدور  بو گئجه

بير آز مواظب  اولون آ گـه او لماسين  اغيار

سيزه گونوز ، اولارا ليل  تاريدور بو گئجه

عيار عشقوزي کامل  ائدون  صباحه  کيمي

ائدن محاسبه کاميل عياريـدور بو گئجه

نواي  نايوزي محبـوس ائدون اورک لرده

آييلماسون او كي بي بند وباريدور بو گئجه

صبا  پيام  يئتير « غمكش» ه  دئ بيچاره

يوبانما   ليلة   قدر   نگاريدور   بو    گئجه                             

 

مرحوم عبداله رضایی(غمکش)

 

 

 

 

 

 

 

 

 

 

 

سرود میلاد حضرت ولی عصر آقا امام زمان(علیه السلام)

باخشون آهودان گوزل        دوداقلارون مخزن غزل

منیم پایمسان وئروب سنی      من اوچون رب لم یزل

داغیلا هر درد و ملالیم       گوله گوللر مثلی جمالیم

آلا گوز ایستکلی غزالیم             ننه  قربانون آغلاما

***************

قاشون اوخشور قلملره         یوزون طراوتلی بیر گوله

تلون دوشنده جمالیوه                قاریشور لاله سنبله

اولوب اشکون زلفوه ژاله    توکولوب گول مثلی جماله

ننه قربان هاشمی خاله                  ننه قربانون آغلاما

*****************

آچیلاندا گوزل گوزون        چمنده گوللر بوتون گولور

آخاندا اشکون جمالیوه         ائله بیل ژاله دور سوزور

اوتورور شبنم گولون اوسته

اگیلورگول سنبلون اوسته

توکولور غم بولبولون اوسته          ننه قربانون آغلاما

*****************

گوزلیم آغلیاندا سن           سسون سالور اود قراریمه

آخوب سرشکیم سنون کیمی       دوزولوللر عذاریمه

باشوی قوی سینمون اوسته

ئوزیوی چوخ ائیلمه خسته

ننه باخسون دیده مسته                ننه قربانون آغلاما

*****************

ال ایاق چالما آغلاما       صودایستوسن گل وئریم بالا

نه خسته سن نه عطش وارون

دوشه سن حالیدن حالا

یوزومه گول ،گوللنه گلشن     گله وجده لاله وسوسن

گوزوون قربانی اولوم من                ننه قربانون آغلاما

*****************

ولی اصغر سو ایچمه دی     سوزولدی صحرالره فرات

سه شعبه پیکانیلن آچوب    بوغازیندان قیزیل قنات

بوغازیندان چشمه له نیب قان

ننه سی زهرا دئدی جان جان

اولوب عالم یکسره گریان             ننه قربانون آغلاما

*****************

بوغازین گوردی اصغرین         اوجالدی نیزاریدن نوا

گئیندی قاره آناسی تک           او  بیــابان  کربــلا

قره یئل لرباشلادی ناله           یاسا باتدی غنچه ولاله

دولانوب قان رنگینه ژاله                ننه قربانون آغلاما

*****************

سو سیزیلتیلان آغلادی        سوسوز ئولن میهمانینه

اوخون یریندن دولاندا قان         قوریان گول دهانینه

 

باشا توپراق سپدیله داغلار

سارالیب سولدی هامی باغلار

اودی دائم شیعه لر آغلار               ننه قربانون آغلاما

شاعر: استاد غلامرضا هادی اردبیلی

سرود ولادت حضرت مهدی(عج)

نسیم اسدی باغ زهرادن              

عالمه عطر جانفزا گلدی

سولان گلشنلرآچوب گوللر 

روی دنیایه خوش صفا گلدی

گلور زهرانون امام اوغلی

علینون قائم مقام اوغلی

مقدمی دنیایه مبارکدی

ئوپوب نرجس چشم شهلاسین    

شوقیدن ناگه آخدی گوزیاشی    

 

اومولود پاک وزیبانی         

 لطف ائدوب الله اولدی پاداشی

سریب قونداقه پرین فطرس

اولدی اولدوزلارنقل وشاباشی

بواجلاله نوح وعیسادن            

عرش اعلادن مرحبا گلدی

گلور زهرانون امام اوغلی

علینون قائم مقام اوغلی

مقدمی دنیایه مبارکدی

چراغاندور نور سبحاندان      

باغ رضوان تک هرایکی دنیا

گلوبلر بوجشن میلاده                     

 آدم وحوا مریم وسارا

جلوس ائیلوب صدر مجلسده 

سینه سی یاره گولمین زهرا

اوجا بیر سس خلق اولوب ناگه 

عرش اعلادن بو  ندا  گلدی

گلور زهرانون امام اوغلی

علینون قائم مقام اوغلی

مقدمی دنیایه مبارکدی

بومولوده عرش وفرش اهلی  

 قائل اولدی چوخ حرمت وعزت

ملکلر گوگلرده سسلندی        

 قویدی الله یئر اهلینه منت

چیخوب زهرانون گونی گوگده

  توپراقا یاغدی بارش رحمت

یازیلدی گوگلرده بوجمله

  عالمه فخر ماسوا گلدی

گلور زهرانون امام اوغلی

علینون قائم مقام اوغلی

مقدمی دنیایه مبارکدی

ولی اصغر عالمه گلجک

         یثربین شهری عدنه دونموشدی

مهاجر قوشلار تک آل الله      

شهر بطحادن نیمه شب کوشدی

ربابین اصغر قوجاقینده      

  چیخمامیش قرخی چوللره دوشدی

گورون سیز دیل آچمیان دیلسیز

     چوللری گزدی تا هارا گلدی

نئچه گون بو تئز سوزن اولدوز

عرش محملده چولده گورسندی

چیخاندا گون گوزلرین آچدی

    گون باتانداکیپریکری اندی

 

غرض محمللرده چوللرده      

بعضی ایمالر گولمک اورگندی

تبسم ائتدیکجه لبلردن    

بوی ریحان دلگشا گلدی

گلور زهرانون امام اوغلی

علینون قائم مقام اوغلی

مــقدمی    دنیایه   مـبارکدی

چاتوب بیر گون باغلانوب یوللار 

  خیمیه ساری تشنه لبلر،  هـای

رباب آغوشه آلوب اوغلون

هی دئدی لایلای یات بالام لایلای

گهی لایلای یات گولوم لایلای

گه دئدی دیلسیز اصغریم ایوای

آلوب آغوشه سوسوز اوغلون

عرصیه اوغول هم آتا گلدی

گلور زهرانون امام اوغلی

علینون قائم مقام اوغلی

مقدمی دنیایه مبارکدی

آچوب یورقون گوزلرین نهره      

باخدی دقتله آهوی زیبا

یایور گوردی دشت وصحرایه       

مهر زهرانی بی وفا دریا

اوحالدا بیر ظلمه ال ووردی       

دشمن ارذل خصم بی پروا

گورن فکر ائتدی حسین الده

بیر گوزل قانلی پرهما گلدی

گلور زهرانون امام اوغلی

علینون قائم مقام اوغلی

مقدمی دنیایه مبارکدی

 شاعر: استاد غلامرضا هادی اردبیلی

امام زمان (عج)

سن  اسیر  اولما  کمند  سلطۀ  شیطانیده

آچ همای فکروی یوروقون قانادین بندیدن

ئوز توانون قدری سیر ائت سیرۀ سبحانیده

شرق و غرب و کُل عالم موریدن کمتر اولار

مختصر اندیشه ایتسون منطق یزدانیده

گوندریوب قانون قرآنه نچه آموزگار

تا بشر واقع  اولا  ارشادیلن غفرانیده

کَج گیدن کس رأفت اسلامیدن بهره آلوب

دامن دینه قیتسون فرصت جبرانیده

قانیلن  قرآنی  احیا  ایلیوبدور  اهل بیت

صدر  اعلایه  چاتوبلار  نشر الرحمانیده

ئوزلرین  طوفان  طغیانه  گرفتار ایلیوب

منجی  انسان اولوبلار  قورخولی طوفانیدن

چون  امامه حال  مرگیلن حیاطین فرقی یوخ

هاردا  شیعه  سسلنوب  حاضردیلر  بیر آنیده

قوتاروب  دنیاده  مأموریتن اون بیر امام

اون ایکمینجی امام عمر ایلیور پنهانیده

سایۀ لطفی همیشه اهل اسلام اوسته دی

سسلروک آدین اورکدن لحظۀ بحرانیده

سامرا شهرینده دنیایه گوز آچدی بو امام

سامرا  نوره  بوروندی  نیمۀ  شعبانیده

سینۀ نرجس اولوبدور شرق روی آفتاب

وئردی  مأوا آفتابه مغرب دامانیده

بو گُل نرجس یارانجاق قصد قتل ایتمیشدیلر

واقع اولموشدی بو زهرانون گُلی عداونیده

تحت ظّل عسگریده گون بگون رشد ایلیوب

چاتدی بش سنّه ولیکن خلقیدن کتمانیده

شربت  شهـد  شهـادتلن  امـام عسگری

وئردی جان سُکنا ایدوبدور جنّت جانانیده

جسمینه اولدی کفن تشییع ایدوب دفن ایتدیلر

اهل  بیتی  یاس  دوتوبلار  خانۀ  خوبانیده

اهل دل درک ائیلدی هانسی سوزی فاش ایتمدیم

ایلدیم  زینب  کیمی  پنهان  دل  لرزانیده

گون عزادار اولدی ،آی غمگین ، بلوطلار آغلادی

گورسنوب  آثار  محنت  عالم  امکانیده

نظم عالم  چون  امامیله  منظم  ساخلانور

آخرین  دانه  یئر  آلدی  شدّۀ  مرجانیده

مصدر حقدن  چاتوب  حکم امامت مهدیه

بئش  یاشیندا  اگلشوبدور  مسند  سلطانیده

غم دوتان یوزلر گُل آچدی جنتّین گلزاری تک

روح  قرآن  واقع  اولدی  علّم  القرآنیده

آخرین مأمور یزدان حکم آلوب اولدی امام

رکن  خلقت  ساکن  اولدی  اکمل  ارکانیده

قان نجه دائم گرگ پیکرده جریان ایلسون

جسم  عالمده امام اول قاندی که شریانیده

اولماسا  عصرین  امامی ذی حیات اولماز بشر

سایۀ  لطفی  گرگ  اولسون  سَرِ دورانیده

غیبت صغراسی باشلاندی اوگوندن یئتمیش ایل

طالع اولدی باتدی فوراً گون کیمی بیر آنیده

غیبت کبراسی امّا  محنت  عظما  اولوب

شیعه لر   آغلار  قالوبلار   تهمت  نادانیده

سالِ اوچ یوز یرمی دوقوزدان بو غیبت  باشلانوب

انتــــظار آثاری  قالمش  دیدۀ  گریانیده

شیعه لرآغلار گوزین تیکمیش گئجه گوندوزیولا

ساخلیوبلار  یئر گوز اوسته  هم  دل القانیده

مهدی یا مهدی آدی دیللرده واردور روز و شب

نوحـــه آهنگینـده  گاهی  ناله  و افغانیده

گاه  قرآن و دعا و ذکر لرده  سسلروک

گـه بُــکا  و  گـه نَوا  و  گاه خوش الحانیده

بیلمروک  الآن بقیع  یا کربـلاده  آغلیور

یا گـــزور شیعـه محالین کشـور ایرانیده

بلمروک محراب مسجدلرده یا هیئت ده دی

باش باشا وئرمیش و یا ایتامیله ویرانیده

نایبان خاص یتمش ئیلده اولدی دورت نفر

بو معّین  شخصلر  اولدی  بو  شهدن  با  خبر

اوّلی سعداوغلی عثمانیدی  نایب حضرته

حضرتین  فرمایشاتین  او  دییردی  امته

دومین  نایب  محمد ابن عثمان ذکریدور

خلق آرا اعمالی  چوخ  با منطق و خوش فکریدور

سومین  نایب که مأموریتی  چوخ  سختیدور

روح نوبخت اوغلیدورآدی حسن،خوش بختیدور

چارمین  شخصیکه  خاصه نایبیندن دور بیری

ثبت اولوب آدی علی بن محمد سیمیری

انتظارون گلشن  دللرده  هرگز  سولمیوب

آخرین  نایب  یرینده جانشینی اولمیوب

محرمیت  بیزده  یوخ  غایبدی  فخر روزگار

شیعه لر گُوزلَر ، قالوب گوزلر یولوندا انتظار

جان فدا اولسون  بو دینون  شاه عالم گردینه

هامّیدان  چوخ  گوزلری آغلار حسینون دردینه

گوزلری  یاشلی دییر جَّدا سنه  دل داغلارام

گوز یاشیم گوزدن  قوتارسا روز و شب قان آغلارام

یاده سالام سعدین اوغلی ویردی فرمان لشگره

کربلاده سو یولی سّد اولدی آل حیدره

یاده سالام  کوفیان  بی ادب کافرسیر

اولدولار که  اوستوه  مور و ملخ  تک حمله ور

معرفت  سر حّد  مرزین  ظلمیلن سندیردیلار

بوسه گاه حیدره نیزیله یاره ویردلار

یاد ایدوب اول وقتوی قلبیم دوشر غم چاهووه

گلدی بی صاحب آتون میدانیدن خرگاهووه

ذوالجناحی گورجگین بیکس لرون آغلاشدیلار

ذوالجناحه ساری اللّر باشدا یکسر قاشدیلار

با زبان  بی زبانی  ایله دی  داد وانین

عترت  پیغمبره  اعلام ائدوب ئولدی حسین

ذوالجناحین آلدیلار  دورین  بنات دیده تر

گوردیلر  قانه  باتوبدور واژگون اولمش اَیَر

ساشلارین رسم  عزائیله  پریشان  ائتدیلر

نا امیدانه  دوتوب یوز عرشه افغان ائتدیلر

جامۀ امیدی  دیلدن  آل عصمت  سویدولار

پاپیاده کــــربلا  میدانینه  یوز قویدولار

 شاعر : استادغلامرضا هادی اردبیلی

سرود ولادت امام زمان (عج)

ای  گوزلریم  طاقت گتور       باخ  یوللارا  یارون گلور

ای دل یورولما غصه دن         دوز درده دلدارون گلور

دوندرمه گـوزیاشون سئله

یـار  عشقینه  طاقت  ائله

گتمه  گوزوم   روءیالره     گوز  تیک  نگارین   راهینه

ائیله  دعا صبح  و مسا      بو عرش  عشقین  ماهینه

هجران آغارتدی باشلاری جاری ائدوب قان یاشلاری

مولا  دوشوب  یوسف کیمی ایللردی  هجران چاهینه

بیر گون بو ماهین فجری وار

دوز  منتظر  اول   اجری وار

دوزسون فراقه آی گوزوم     بو ایش سنه تمرین اولار

بی صبر و تاب  عاشقلرین       سیمالری غمگین اولار

باخ یوللارا  یار عطرین  آل      ائیـله  تجسم  گوزلره

یورقونلق احساس ایلسون کیپریکلرون سنگین اولار

هجران غمی  چوخ  سختیدور

کیم تاب ایدوب خوشبختیدور

 

ای دل چالشما قوش کیمی عاشق مأب اول صبر ائله

پیک ائیلیوب ئوزآهووی قوش  گونده یئل لردن یئله

عرض ائیله  یابن فاطمـه  یول  گوزلیـور  عاشقلرون

قویما سرای  صبـرینی   عاشقلـرون  وئرسون سئله

گلسون اورکلر شاد اولار

دنیـا  یوزی   آباد   اولار

یابن الحسن کوکو  کیمی  من  روز و شب   نالانووم

یول گوزلمک  یوردی منی تئز گل داخی قــربانوم

سن سیز  عدالت آغلیور  انصاف  اولوب خانه نشین

وجـدان  عـذاب   آلتندادی  مشتـاق  الرحمانووم

قرآنه گل امداد ائله

زندانیدور آزاد  ائله

 دیللر  همالر  بـالی  تک  قئید  جفایه   بسته دور

بیر گون بیزه امید اولان گور کیملره همدسته دور

سسلر  باتوبدور  سینه ده  مظلومه یوخ امداد ایدن

رحمی سالوبلار رسمیدن روحیه لر دای خسته دور

دیو  اگلشوب  دیوانیده

مظلوم  ایدوب  قرانیده

انسانیت  ماتم  دوتــــوب  بو درده وجدان آغلیور

حقی باتان  ایتــــام تک انصاف  اوزی  قان آغلیور

راهین آدیلان بعضی لر یولدان چیخوب چاهه دوشور

بو   غفلـته  بو  ذلتـه   حسرتلـه   قـرآن  آغلیور

سیمای دین باتمش غمه

دین   اگلشوبدور  ماتمه

 شاعر : استادغلامرضا هادی اردبیلی

استغاثه حضرت مهدی يه (عج)

هيچ قلبده قلبيمده اولان غلغله يوخدي

   بير چاره من زار و پريشان ديله يوخدي

روحيم ائله جسمیمدن ائدوب ترك علاقه

                 گويا كه داخي ميل بو آب و گله يوخدي

دوتقون گويولي گلشن آچار گللر آچاندا

                  بولمم ندي گلزاريده ميليم  گوله يوخدي

ياريم ائله كاشانه ده منزل ائليوبدي

              هيچ فكرو خيالين يولي اول منزله يوخدي

بير يوسف گم گشته نين آواره سيم من

                      كاشانه صبريم تالانوب حوصله يوخدي

بير دامه سالوب سلسله زلف كمالي

                    عالمده ائله دامه سالان سلسله يوخدي

بير يار سفر كرده گرفتاريم آخر

             درديم اودي اوندان صورا بير مسئله يوخدي

آخر نه قدر من سوروشوم قافله لردن

                   آيا نه خبر واردي دئسونلر هله يوخدي

بير عمردي حسرت گوزومي يوللاراتيكديم

                  هر قافله گيچدي او اولان قافله يوخدي

عاشق اولاسان ياره الون چاتميا هرگز

                 عاشق لره بونداندا چتين مرحله يوخدي

اما بو گلايه اوزوموزدن گرگ اولسون

                 يوخسا او گوزل صاحبيميزدن گله يوخدي

ياريله عمللر آرادا فاصله سالميش

                   يوخسا آراميزدا ائله بير فاصله يوخدي

نيلوم عمليم اولماسادا عاشقي يم من

                       بو عشقده آرامیشيم افكاريله يوخدي

عالمده گنهكار مگر عاشق اولانماز

                    بو باره ده كه جاي مذمت ديله يوخدي

بيز هيچ، آناون خاطرينه گل بيزه باش چك

                 زهرا آدي گلسه داخي بير مسئله يوخدي

گل سود امرين قانيني آل خسته ربابين

                       قلبينده تواني بو قدر نسگیله يوخدي

((زرين قلم)) عاجز دي گوزل يازماقا اما

         بو مسئله لر عابديله خوندله يوخدي           

            شاعر : حاج حميد زرين قلم تبريزي

يوسف زهرا فراقینده

سن كيمي يابن الحسن عشقيده سلطان اولماز

سن كيمي دیل لري تسخير ائدن انسان اولماز

احسن الخـــــالقين احسن يارادوب انصافا

             سن گوزل ليكده نه حوري نده غلمان اولماز

سن جلالتده محافلده مجلل دلدار

                    سن لطافتده گلستاندا دا ريحان اولماز

حشمت و حكمتوين يوخ بيلورم مانندي

                    سنه همتا نه سليمان نه ده لقمان اولماز

سنه عاشق اولان عاشقده دل و جان قالماز

              سنه جان بذل ائدن عالمده پيشمان اولماز

 

بيقرار ائيلیين عاشقلــــري هجرانوندي

      چونكه هجران غمي تك هيچ غم سوزان  اولماز

سن ظهور ائيلمه سون ظلم و ستم باشدان آشار

          شـــرع پيغمبره قـــدرتلي نگهبان اولماز

سن ظهور ايستون اولار حضرت زهرا خوشحال

    داهي غم غصه گلوب قلبینه مهمان اولماز

سن ظهور ايتسون اولار مرقد زهـــرا معلوم

             شيعه نين قلبي بو اندازه ده شان شان اولماز        

شاعر :  امين كاظمي

استغاثه به حضرت امام زمان  

قربان اولوم او قامته يا صاحب الزمان

دوندي زمانه ظلمته  يا صاحب الزمان

اي ماه مشرقين بو قدر قالما پرده ده

                        دوندي زمانه ظلمته يا صاحب الزمان

اونبير امام وارثي اي نور مصطفا

                       هجران يئتوب نهايته يا صاحب الزمان

گلزار دينه ائيله نظاره ترحم ائت

                  گلچين گلوبدي غارته يا صاحب الزمان           

عصر، حسين كيمي قالوب اسلام بي پناه

                        محتاجيدور حمايته يا صاحب الزمان

 

اسلامياني بي كس و بي يار گوردي چون

                     دشمن گلوب جسارته  يا صاحب الزمان

آل ذوالفقارووي  اله اي داد خواهيميز

  سال اشقياني وحشته يا صاحب الزمان

ايسدولّه پايمال ائده لر دين احمدي

                      دشمنده باخ عداوته يا صاحب الزمان

دنياني دولدورب ستم و جور ظالمان

گورنه گلوبله جراته يا صاحب الزمان

طولاني اولدي بسكه سنون غيبتون آقا

شيعه قالوب شماتته يا صاحب الزمان

سويلوله بس هاياندادي قدرتلي سروروز

                   گلسون سيزه حمايته يا صاحب الزمان

اي فاطمه عزيزي قوتار طعنه دن بيزي

                           وئر خاتمه بوفرقته يا صاحب الزمان

مظلوملر قصاصيني ظالمدن آل آقا

  دوندور جهاني جنته يا صاحب الزمان

((اقبالي)) انتظار دادي گورسون جمالوي

باخسين او حسن صورته يا صاحب الزمان 

 شاعر : مرحوم اقبالي زنجاني

توسل به حضرت ولي عصر (عج)

اي   ما   خلقين  علت ايجاد وجودي

ذرّيه طـاهـا  و  علي  منبع   جودي

احسان ائله گل پرده غيبتده دايانما

جانلار سنه قربان اولا چوللرده دولانما

انصافيدي قول ايتميه مولاني زيارت

آيا  دگي دنيا  بويي  اسباب  خجالت

بو قدرده هجران اولي اي كان كرامت

بو آيرلقي لطف ائله قيل وصله مبدل

قربان او گلن يوللارا ياسيدي تئزگل

سن پرده غيبتده پريشان گئجه گوندوز

بيزده شرر هجريله سوزان گئجه گوندوز

اولماق نه روا بيربئله گريان گئجه گوندوز

                    احساس ائله احوالميزي گوز ياشمیزدان

كسمه   بوقدر سايه  لطفون  باشمزدان

دللرده مصيبت گله موجه داشـا قــويما

طوفان ائده سيلاب اولا باشدان آشا قويما

اي  نوح  حقيقي  بيزيلن باش  باشا  قويما

               گل دوت الميزدن بيزي چك ساحله ساري

                  اول  واسطــه  الله  آراسندا  سني   تاري

سوز يوخ او كه بيزده مسلمانه گركدي

واقف دگـولوخ هر نه كه ايمانه گركدي

عامل دگـولوخ بيز اوكه قرآنه گركدي

 

      وابستــه سيز آل اللهه بيز اولموشق اما

    سيزدن  اولاجاق حـل اگر اولسا بو معما

تقصيريميزي عفوائلـه  پيغمبره  خاطر

ناديده حساب ائيله آتان حيدره خاطر

صديقـه كبريِ اَلَـــــم پروره خاطر

           باشسيز بيزي گل قويما داخي بوندان علاوه

           قطع ائيله او دیللر كه دی ير عمـريجه ياوه 

شايسته دي گول پرپر اولا خارين الينده

اسلام  اولا  ملعـــــبه  كفارين الينده

دين اهلي  دوشه  ذلّته  اشرارين  الينده

                        نه رحم ايده لر طفل صغيره نه كبيره

                       نه پيـــر و جوانه نه قتيله نه اسيره

كفارين آدي  مسلم  اولــوب  آلت  دستي

احـراره جري  ائيلوري  هر  ارذل  و  پستي

دينون دئموري قائمي وار يوخدي شكستي

                  بیر نئچه  شرارت يوكي بدنام  اياقدا

                         گـويا گوروري هامي اسلامي اوزاقدا

آگه سن ئوزون حاجتي يوخ شرح و بيانين

مینلرجه مسلمان دي گلن پيرو و جوانين

ناحق يئره دشمن توكوري سوكيمي قانين

             دل يوخدي كه داغ اولميا غم دللري داغلار

            قربان گوزووه   قالدي    رعيتــلرون  آغلار

ملك و طنين مرزي دونوب كرب و بلايه

تبديل اولوري گونده نئچه طويلار عزايه

مهمان ائله منت قوي ئوزون خير دعايه

            فتنه يارادانـلار هاموسي ريشه كن اولسون

          رونق تاپوپ اسلام دونوب سن سون اولسون

اسلام  اتگينـدن  كس  الين  اهل  جفانين

سيندير قوشونون كافر بي شرم و حيانين

شمشيريله آچ باغلي يولون كرب و بلانين

              گئتسين او مزار اوسته جوان اوغلي ئولنلر

                ليلا دیليجه سويله سين اي و اي علي اكبر

اي « حافظ » ینون حافظي  هر آينه دمده

سندندي كمك  لیق  منه   گفتار و  قلمده

واردور گوزی مريمجه گوزل دست كرمده

 هركيم منیلن وار اونادا لطف و كرم قيل

هر تك تكينون آديني دفترده رقم قيل

 شاعر : مرحوم حافظ قرآني تبريزي

ولادت با سعادت ولي عصر (عج)

تا تجلـــــي دل شبده مه تابان ائله دي

گون كيمي عالم ظلماتي درخشان ائله دي

صبح صادقده وئروب باش گورونوب آيت نور

نه ایشیق ،  لمعه نور ازلي ائتــــدي ظهور

وجهي وجه اللهي دنياني ائـدوب وادي طور

طوري عينآ رخ پرنوري نمايان ائله دي

برج عصمتدن اولوب طــالع او  نور ازلي

مطلعــي كعبه دل لامع  موســي مثلي

ئوز وليسين بو جهانه گتوروب قدرت الي

عالمه لطفيني شـامل حق منان ائله دي

رحمتين عالمه خلاق جهان نازل ائدوب

تازه مولوده گوره نعمتيني كامل  ائدوب

گلوب ادياني بو سبط نبوي باطل ايدوب

ملل عالمه ئــوز حقيني اعلان ائله دي

نجه مولود و جاهتده يوزي شمس ضحا

طلعت پاكي دل شبده سالوب ضوء ضيا

قدم ميمنتي عالــمه  آرتیــردي صفا

با صفــا عرصه گيتيني همان آن ائله دي

عارض انورينه جلوه رخسارينه باخ

تابش صورتينــه پرتو انوارينه باخ

نرگس مستنه باخ طره طرارينه باخ

حسنونه غبطه بونون يوسف كنعان ائله دي

گورنجه درّ ايدي درياي محبت صدفي

درّ نابين صدفي عفت و عصمت شرفي

فاطمه بند  دلي شير خدانيــن خلفي

مقدم پاكي بو دنياني گلستان ائله دي

نئجه گول عطري بيرعالم دولوسي نكهتي وار

هانسي گولــدور بو صفاسي بيله كيفيتي وار

خلديده نرگس بو غنچه گولــون صحبتي وار

آرزو عطريني بو عالم امــكان ائله دي

حسن گلفامينه باخ قامت طوباسينه باخ

خم ابروسينه باخ ديـده  شهلاسينه باخ

هاشمي خالینه باخ صورت  زيباسنه  باخ

حسنونه هر گوزلي واله و حيران ائله دي

 

گول دئسم گولده بو نكهت بو لطافت اولماز

تازه بير غنچه نين عطريـله بو عالم  دولماز

گل سولاربش گوني بو نرگس گلدور سولماز

عطري دنياني اودور خرم خندان ايلدي

هاديدي حجت  قائمــدي حقه مظهر ذات

منتظــر مهــدي  ملقبدي جمالي لمعات

صاحب عصريدي خاتمدي بو عالي درجات

منتقيم اهل جفايه حق سبحان ايلدي

تا قــــدم عالم امكانه قويوب منبع جود

ائيله دي حضرت معبودينه شوقيله سجود

دل آچوب راز و نيازه دئدي اي حي و دود

ذكريني انجـــز و عد شه دوران ائله دي

يوز دوتوب بارگـه قدسه ائدوب عرض خدا

ويردوقون و عـديه حقيمده منيم ائيله وفا

انتقامين آناميـن قويمـــا خدا يئرده قالا

گوزده گوز ياشيمي بو امر منيم قان ائيلدي

نئجه ظلم ائتدي آنام فاطــميه قوم دني

 

اود ووروب  در گهينــه فرقـه باطل علني

چاره سيز درده عدوسالدي آنام فاطمه دني

نه جســــارت آناما فــرقه دونان ائله دي

يانماسئيدي او قاپي كون مــكان يانمازيدي

جديمين خيمه گهي اود توتوب اودلانمازيدي

شير خواره بالاسي  ظلميله او خــلانمازيدي

حرملـه سود امــري قانينه غلطان ائله دي

 شاعر : عبدي تبريزي

صاحب عصرفراقینون مبتلالری

وجودون اي گوزل گنجينه حسن و وجاهتدي

كناروندا سنون يوسف فقير و بي بضاعت دي

كساد ائتماقه حسن  يوسفين  رونقلي  بازارين

سنون بير بئيله حسنوندن فقط بيرگل كفايتدي                                        

نگاهون گر يئري قالسا جمالوندا يئري واردي

گل رخسارون از بسكه ظريف و با لطـا فتدي        

گوروبدور نرگسين اوغلوندا نرگس گوزلرين نرگس

بينمز ئوز گوزون گـــرچه گُوزي ورد جماعتدي                                       

امامت تك گوزل ليق حجتِ الله ختم  اولموش

سنون گويچكليقون اون بير گوزليقدان علامتدي

سن او بير گويچكين گويچليقندان بهره مند اولدون

بوني عالم بولر اثباتينه حجت نه حاجتدي                                                

ائله دیلچسبدور كه قويموري لب لبدن آيرلسون

سوز آچماق شهد وصلوندن عجب مشكل حكايتدي

كمندوندن دوشر تا سوز، اسيرون تئز ديیر  به به

اسير عشقون اولماق بسكه شيرين بير اسارتدي                                        

هره بير عشقيلن مشهور اولوب مولا بو دنياده

سنون عشقونده ،  مشهوريتِ اهـل ولايت دي      

بو گونكي وصلوون وار مهديا هجران كمندينده

بهار وصلووي تهديد ائــــدن پائيز فرقتدي                                           

سنون عشاقوون جشن و سروري تك بو گونلوقدي

صباح عشاقوون حالتلري بير ئوزگه حالتدي         

دمادم آه چكماق قان اوتوب قان آغلاماق سن سيز

يولووي گوزلين عاشق لره چوخدانكی عادتدي                             

گرك شك ائيلياق انصافينه انصافآ اي مهدي

ديسه كيم شور هجرانون قيامتدن علامتدي         

سنون هجرونده كه برپا اولان غوغا قيامتدن

علامت يوخ ئوزي چون ئوز يرينده بير قيامتدي                            

سوروشما مبتلايان فراقون كسب و كاريندن

كه سن سيز ايشلري دنياده تنها كسب محنتدي    

ئوزون گل اللريندن دوت اياقدان قويما دوشسونلر

كه الدن توتماق آل اللّهه بير ديرينه خصلتدي                               

نگاري گورميوب ئولماق يامان ئولماخدي داد اوندان

بله ئولماق شكنجئيلن برابر بير مشقتدي 

بولر تنها جمال يارينه حسرت قالان عاشق

كه جانانانين يوزون بيريول گوروب ئولماق نه نعمتدي                                

ظهورون بير عنايتدي بونا سوز يوخ ولي مهدي

اونون تعجيلي عشاقه عنايت در عنــــايتدي                 

 شاعر : كامران تبريزي

حضرت وليعصرون (عج) ولادتینین توصيفی

من عاشقم جمالووه يا صاحب الزمان

جانلار فدا جلالووه يا صاحب الزمان

سن صاحب صفات كمالات حقّ سن

اندازه يوخ كمالووه يا صاحب الزمان

صف صف حقيقت اهلي دوروب الده نقدجان

مشتاقديلار وصالوه يا صاحب الزمان

سن وصلسن حقيقته بو نظم كاينات

برهاندي اتصالوه يا صاحب الزمان

جاري دي حكمون عالم خلقتده ما سوا

حاضردي امتثالووه يا صاحب الزمان

غيب و شهود عالم امكاندا هر نه وار

وابسته دور خيالوه يا صاحب الزمان

اهل جهانه واسطه فيض سن بو خلق

محتاج دور نوالووه يا صاحب الزمان

شيريندي نطقون اول عسل شهد نابيدن

قربان اولوم مقالووه يا صاحب الزمان

 

واضح دي اللرون كه يدالله دي فرق يوخ

هرگز يمين شمالووه يا صاحب الزمان

حيرتده قالسا واردي يئري اهل شرق و غرب

خوش خلقووا خصالووا يا صاحب الزمان

ترسيم ائدير هلالي بو گون هر آي اوّلي

عاشقدي چون هلالوه يا صاحب الزمان

ايستر زيارت ائيليه چوخداندي كه دوشوب

گون اشتياق خالوه يا صاحب الزمان

مخصوص ائدوب هدايت كل خلايقي

حق ذات بي مثالوه يا صاحب الزمان

اذن آلماقا ظهورون ايچون استغاثه قيل

خلاق ذوالجلالوه يا صاحب الزمان

قيل بير ظهور عدليله حكم ائت كه بو جهان

چوخ تشنه دور مقالوه يا صاحب الزمان

سن عين عدل سن كه هامي اهل روزگار

حيراندي اعتدالوه يا صاحب الزمان

اي منتظر ئورکلري چوخ قويما انتظار

پايان وئر اعتزالووه يا صاحب الزمان

چك ذوالفقاري آل خون جدوي كه او

باعث اولوب ملاكوه يا صاحب الزمان

گل اشقياني قتله يئتیر انتقامین آل

روحيم فدا قتالوه يا صاحب الزمان

قالدون بو قدر پرده غيبتده بسدي گل

علت ندور دلالوه يا صاحب الزمان

اشكال ايدوله بسكه دوشونموله حقووي

جُهال سن وصالووه يا صاحب الزمان

ميلاد دور بو گونده سنه شيعه گوز تيكوب

خوان كرم نوالووه يا صاحب الزمان

گلمز داخي زمانيه مثلون عقيم دور

امّ زمان،  مثالوه يا صاحب الزمان

جايز دگل مبارك آدون ذكري من فدا

ميم حاء و ميم و دالووه يا صاحب الزمان

من باش گوتورمرم بو وسيع آستانه دن

باغلانميشام حبالوه يا صاحب الزمان

عشقونده نيتيم بودي مجنون كيمي دوشم

اتلال و هم جبالوه يا صاحب الزمان

دوشموش ايشي صعوبته بو عبد، قوي

توش ائيله مه زوالووه يا صاحب الزمان

امرونله دور ايدر بو جهاني رجال غيب

تاپشور بيزي رجالوه يا صاحب الزمان

بيزده هاني لياقت ائداق شرح و صفووي

اولسون مناسب حالووه يا صاحب الزمان

شاعر : عبدالعلي منصوري (ره) طالع

ادركني مولا يا صاحب الزمان

آهنگ مدينه شهر پيغمبر

فراقينـــدا يانان دیل لر اولوب ياره آقا تئزگل

جگرلر بس يانوب غمدن اولوب پاره آقا تئز گل

    عزيز حضرت زهرا، ظهور ائت مهدي اي مولا

سينان دنداني دين اوسته بابان طاهايه آند اولسون

باتان محرابيده قانه شه والايه آندو اولسون

سينان پهلوسي ضربتدن آنان زهرايه آند اولسون

مصيبت چوخ چكن باشي بيبون كبرايه آند اولسون

جمال اكبره حسرت قالان صغرايه آند اولسون

                    اولوبدور شيعه مظلوم و بيچاره آقا تزگل

رضا اولما فراقوندا بو قدري شيعه لر سولسون

اوركلر ابر نيسان تك فراق ياريدن دولسون

محندن سينه چاك ايتسون ويا كه زلفوني يولسون

بولوتدان چيخ بيرآن گون تك جمالون آشكار اولسون

شبيه حضرت خاتم جمالون جان فدا اولسون

                كه سنسيز شيعيه اولماز ره چاره آقا تزگل

عزيز حضرت زهرا

ظهور ايت مهدي اي مولا

سني ويروق قسم مولا ابالفضل علمداره

خيمده روز عاشورا يانان سجاد بيماره

نماز شب قيلان اوتدوق يرينده زينب زاره

در و ديواريده ظلمون نشاني قانلي ميسماره

ديوب سيلي اولان نيلي بنفشه مثلي رخساره

           پريشان قالموشوق لطف ايله ديداره آقا تز گل

يتيم لر مثلي يوز قويدون حزين ديواره يا مهدي

اولار گوز ياشيميز گوزدن روان رخساره يا مهدي

اورك شان شان اولار هر دم غم دلداره يا مهدي

دولانيق چوللري مجنون كيمي آواره يا مهدي

چاغيروق داده ادركني سني همواره يا مهدي

قسم ويروق ابالفضل علمداره آقا تز گل                

هامي عاشقلرون قلبي فراقوندا آقا قاندي

هامي عاشقلرون مولا غمونده ديده گرياندي

گئدوبدي شوق و ذوق الدن هامي زار و پريشاندي

سنون  هجرونده روشن گون بيزه شام غريباندي

قلنجون آل اله دنيا گورورسن غرق طوفاندي

سراج اول جان زهرا بو شب تاره آقاتز گل             

 شاعر: كاظمي مرندي            

طاووس جنت – سرود آهنگ

اي بت عالميان شاهـــد پاكيزه سرشت

آناسي نرگس جنت ئوزي طاووس بهشت

اي كمان ابرو،زينت مينو

گل گل مولا، سنه قربان

اي كه بير مرحــمتون دولت دارايه ده یر

دلبرا گول باخشون هر ايكي دنيايه ده یر

ما سوا شاهي ،فاطمه ماهي

گل گل مولا  ،  سنه قربان

سنه دوزدي ياراشـــــور عالمه ناز ائيلي یه سن

بير باخيش خوشدي كه درويشه نياز ائيلي یه سن

نازلي ياريمسان،شهرياريم سان

گل گل مولا ،          سنه قربان

سویورم من او گوزي عاشق رخسارون اولا

منه بير گوز كـــرم ايت قابل ديدارون اولا

يار زيبنده،وار گوزيم سنده

گل گل مولا   ،   سنه قربان

من سني گورمه ميش هر يئرده دعا ائيلمیشم

گئجه گوندوز آدون عشقيله صفا ائيلمیشم

اي آدي ياديم،عشقي هر زاديم

گل گل مولا   ،        سنه قربان

قسمتيم اولسا اگر من سني دنياده گورم

خوشدي مولا بالاسي مرقد مولاده گورم

جان مولاسن،عشق زهراسن

گل گل مولا   ،     سنه قربان

گرچه آدوون يادی هر درد اولا درمان ائلر

گل كه گلماخلیقون هر مشكلي آسان ائلر

يار چاتار ياره،درد اولار چاره

گل گل مولا   ،     سنه قربان

سن اگر اولسان آراميزدا، بو هجران اولماز

آچيلار شيعه لرين قلبي داخی قان اولماز

نگران گوزلر،يولووي گوزلر

گل گل مولا  ،  سنه قربان

ايسته سن غم يئمي یم هيچ دئمي یم غصه دن آخ

او طبيبانه باخان گوزلریلــــــه “ساكته” باخ

من بيــماري،قيل اوزن ياري

گَل گُل مولا ،  سنه قربان

 شاعر:  “هويدا” تبريزي

صاحب عصر فراقیندا

 

سولوبدور گلشن جانيم جهاندا هر زمان سنسيز

شكسته ني كمين اولموش ايشيم آه و فغان سنسيز

گلستاندا صفا اولماز اگر سن اولماسون ای گول

خزان سنلن بهار اولسا بهاريمدور خزان سنسيز

کونول شيدا اولوب اي گول دوشوب دشت و بيابانه

منه ويرانه لر هرگون اولوبدور آشيان سنسيز

اياقدان سالدي عشقين گورنجه درده دچار اولدوم

ديزيمده قالمادي طاقت اولوب صبريم تالان سنسيز

اگر بلبل اوخورسا،  بولكي واردي اوندا بير حكمت

قالان تنها حقيقت دور داها هر شي يالان سنسيز

حضوره گلسن اي دلبر جهان ويرانه تك قالماز

گل اي آرام جانيم گل اولوب دنيا يامان سنسيز

فغانه گلسم هر ساعت شماتت ائيلمه هرگز

كي فرياده گلر هر دم تك و تنها قالان سنسيز

نيستاندان دوشن آيري شكسته بير نييم دیلده

بودور هر لحظه فرياديم امان سنسيز امان سنسيز

“رضا ” اولمــا دوشــم منده كمند عشق اغــياره

كي آيري عشق عالم ده اولار چوخلي دومان سنسيز

شاعر: رضا قاسم زاده

اي ماه بي مثال يا بقيه الله

اي جماليندان خجل شمس و قمر يابن الحسن

گل ئوزون قيل شيعياني مفتخر    يابن الحسن

اي يگانه  منجي  اهــل ِ ولايت  ،    هارداسان

گل كه ظالملر تاپوب دنياده فرصت هارداسان

صورتون مستور ائدوبدي ابر غيبت هارداسان

انتظارونــدور سنون نسل بشر يابن الحسن

اي ولي الله اعظم حجت اثني عشر

بو زمـاندا اي ولي نعمت نسل بشر

اولماسون سن ير ئوز اهلين كامينه فوراًچكر

قالـــماز اصلا اجتماده بير نفر يابن الحسن

اي امام مقتدا اي اهل دينین رهبري

بير نگاهيله ئوزون شاد ائيله سينمیش دیللري

چك نيامیندان كناره ذوالفقاری حيدري

قوي ائده ظالملر احساس خطر يابن الحسن

ايسته تعجيل ظهور اولسون ظهوروندا سنون

بذل ائده عاشقلرون تا جان حضوروندا سنون

واردي خضرونده گوزي آب طهوروندا سنون

گرچه تاپدي آب حيوان مختصر يابن الحسن

 

ابر غيبتدن اماندور چیخ ايا صاحب زمان

نوروي سال تا بساطين جمع ائده طغیان گران

عالم اسلاميده سنسيز گروه ناكسان

خود سرانه ايلور اظهار يابن الحسن

كعبه دن اجلاليه قوزا حقيقت پرچمين

احتزاز اوسته گتور هر دم ولايت پرچمين

دهريده سركوب ائله ظلم و ظلالت پرچمين

كاخ استبدادي  قيل زير و  زبر يابن الحسن

يوسف صديق سن مرضيّه نون دلبندی سن

ياور قرآن ديی ین قرآنه سن  پابندسن

سن حسين ابن علينون شير دل فرزنديسن

شير گير و شير زاد و شير نر يابن الحسن

قاف دين عنقاسيسان اي خسرو عرش آشيان

سايه الطافوه سايه نشين اولموش جهان

صبح وصله شام هجراني يتور اي دلستان

ايلوب احبابي فرقون خونجگر يابن الحسن

گل اوزون بنيان گذار اول معدلت ديوانینه

دادخواه اول سيدي جدون حسينين قانينه

گل نزول ائيله دوشوب اود اهل ديننون جانينه

چوخلاري پولدان اوتور ديندن گيچر يابن الحسن

 

اهل بدعت عرصه ني اهل ولايه تنگ ائدور

بعضي لر تقليد گونده غريبدن فرهنگ ائدور

آدلارين مومن قويانلار مسلمينّن جنگ ائدور

بو، دورو، اشخاصيلردن، الحذر يابن الحسن

سن ، گلستان محبتده ،گل شاداب سن

عشق مولكونده بو گون عاشقلره ارباب سن

آسمان معرفتده جلوه لي مهتاب سن

اي جمالي شمسه كاخ هنر يابن الحسن

سيدي گستردي الله عالمه لمعاتوي

تا گوره يول گوزلينلر جلوه لي مرآتوي

قور جهان پرفتنده عدل تشكيلاتوي

تا ولايت اهلي آچسين بال پر يابن الحسن

گل اوزون ترويج وير اصل اصول مذهبه

كربلا دردي سالوبدور دللري تاب تبه

هامودان چوخ سن ايدرسن ناله عمون زينبه

عموه خاطر بو جمعه قيل نظر يابن الحسن

يابن زهرا اي حقيقت عالمينه مقتدا

قيل ظهورونده شتاب اي رهبر دردآشنا

گسمه لطفون ايت كرم “افكاري” بي دست و پا

كربلايه با غلاسين بار سفر يابن الحسن

 شاعر :  افكاري سردرودي

مدح ولادت حضرت حجت بن الحسن

 

ابر سفيد يله يوزوني اورتوب آفتاب

يا آفتاب اوزينه چكوب پرده سين سحاب

گون فيضني بو عالمه هر لحظه گوسترور

ايستر نقابدار اولا يا اينكه بي نقاب

گون بير وجوديدور كه سالور هر يانا ايشق

گون اولماسا كرات عوالم اولار سراب

منظومه بو شمس جلي شش جهتده دور

دورينده نجملر دولانور مثل آسياب

مبدادي هر منافع علوي و سفيليه

باقيدي اونلا آتش و باد و تراب و آب

بو مهر دور مربي مادون حيطه سي

ايزد عطا ايدوب بو نا نيروي بي حساب

كاهليه كوه و ذريه هم پرورش ويرر

دايم ايدر سه گانه مواليدي كامياب

بوگون دگل عوالمه خدمت گذار دور

دورومجي گوگده مسكن ايدوب چوخلي ملتهاب

تشبيه اولسا ناقصه كامل دگل سزا

تفهيمچون ديلسه اولور اولميا عتاب

گوندور حقيقتا ولي عصر و الزمان

بير ذره دور ضيا رخوندن بو نه قباب

مانند مهردور پس ابر سفيد ده

ايتمش جمال لم يزلي غيبت حجاب

فيضي  يتر عوالم امكانه دم به دم

مانع دگل فيوضنه بير ذرجه غياب

قرن سويومده نيمه شعباندا عشقلن

ايتدي تمام عالم امكاني مستطاب

قويدي قدم جهان فانيه بو شاه مننتظر

كون و مكاندا ظاهر اولوب آيري انقلاب

انجام امر و نهي مهماتنه گوره

جبريل اولوبدي شغلي ايابيله هم ذهاب

سگيز بهشتي مقدمي گتدي بو عالمه

خاموش اولوبدي آتش نيران هفت باب

پابوسنه ملايك و جن و وحوش و طير

هر ستمدن ايدوبله سر كوينه  شتاب

غلمان و حور مقدمنه ايتديلر نثار

لعل بهشتي و در زر وزلف مشكناب

ارواح انبيا شرف پيشگاهني

درك ايتديلر اولوبلا حضورنده فيض ياب

تبريك حق ديوب حسن عسگري شهه

عرش برينه فخر ايليوب توده تراب

همنام جد پاكي محمددي حضرتي

هر بير صفاتيده يتورور حقه انتساب

اثنا عشر كماله يتشدي اماميده

ختم اولدي اوصياي شه خاتمت مآب

كونه ولي سيزدهم حي حقيدور

اصلاح عالمينه اولوب حقدن انتخاب

آخر خليفه ذات خدا و رسولينه

تعيين اولوبدي بو ملك آسمان ركاب

بو شهدي ذي المقدمه عالم مقدمه

تز درك ايدربو نكته ني اشخاص ذولباب

ارسال هر رسول و نزول كتابيدن

مقصد بو شهدي چون اوزودي معني كتاب

عالمده كل ماخلقه حجت خدا

يوخ بير نفر بغير بو سلطان در غياب

گر حجت اولماسا تو كولر نه فلك يره

يرلر باتار فنا اولو درياده چون حباب

بو كونيده تمام سو الهه شاهدي بو

مالكدي بي درنگ و بلا شك وار تياب

تك بو وجودو دور تمام عالم جلا

نوريندان آسمان وير ايلله اكتساب

تعظيم خاك پاينه عالمده هر نه وار

اگمشله باش چو حضرتدي مالك الرقاب

بير گون گلور ظهوره پس پرده دن عيان

آباد دين ايويني ايدر كفر ايوين خواب

هر ظلملن دولان يري عدليله دولدرار

اوندا ايشق ويرر فلكه صفحه تراب

نور جمالي عالمي ايلر بيله ايشق

گويا كي گون تيره گيوب نوردن ثياب

اضداد كو نه صلح و يرر بو صعناي كون

گرگيله ميش همدم اولار كبللن عقاب

مفسدلري بو مصلح كل محو ولا ايدر

قالماز فساد يرده بقدر پر ذباب

“عاصم” قوجالميان ئولمون گور تداركين

بيرده سنه قايتمياجاق دوره شباب

شاعر : مرحوم عاصم زنجاني

ولادت صاحب عصر – آهنگ اي قلم

 

اي خدا باغريمز لخته قاندي

يوسف فاطمه چوخ يوباندي

آغلارام قلبيدن بي قرارم

مهدي جان من سنه انتظارم

منتظير دور سنه آشنالر

گوز تيكوبدور يولا بينوالر

مستجاب اولمور الله دعالر

آغلارام روز وشب دلفكارام

مهدي جان گوزلرين نوري سنسن

عالمين اصلی منظوره سنسن

عشقلي دللرين شوري سنسن

گل يوزين گورماقا بيقرارم

سنسن عالمده هر درده چاره

پرده غيبتي چك كناره

لطف ايله من باخوم گل عذاره

مقدم پاكوه جان نثارم

قالميوب عمريمين اعتباري

هارداسان غمليلر غمگساري

گورماقا من او چشم خماري

ديده گريانم و روز شمارم

سرعتيله گيچور آيلار ايللر

فرقتونده دونوب قانه دیللر

گلمدون سينه مي دلدي غملر

قيل عنايت آقا يوخدي چارم

سن ظهور ايلسون اي يگانه

گلمروك بو قدر الامانه

گل گتور تازه جان بو جهانه

بلكه درمان اولا دلده ياره م

اي ابا صالح اي جان زهرا

ميوه قلب سوزان زهرا

قويما يرده قالا قان زهرا

محنتين شرح ايدم شرمسارم

فرقتونده من”افسرده” حالم

روزو شب غرق بحر و ملالم

من غلام در هشت و چهارم

مهدي جان تك سنه انتظارم

سينه ميزده آقا چوخدي ياره

گل خزان قويما گلسین بهاره

پرده ده قالما چیخ آشكاره

طاقتيم قالميوب اشكبارم

 شاعر :  افسرده آذرشهري

در انتظار منتظر

اي مسيحا دم كونول هجرونده قان اولماقدادي

خرمن جانه بو هجرانون شرر سالماقدادي

تير مژگانون سنون هر لحظه جان آلما قدادي

منتظر شيدالرون گول تك آقا سو لماقدادي

سويله بو گوزلر نوقته منتظير قالماقدادي

جان جانانمسن اي جان عالمين سلطاني گل

 اي سنه جانيم فدا گل مقدمون قرباني گل                                   

عاشق زارون كيمي هيچ ابر نيسان آغلاماز

نسل عشاقه يتيشسه وصل جانان آغلاماز

تاپسا گر بيمار عشقون اصل جانان آغلاماز

مين لر اسماعيل قربانون وئره جان آغلاماز

يوسفين گورسه اگر يعقوب دوران آغلاماز

جان شيرينون گوره فرهاد نالان آغلاماز

اي صفاي دل جلاي ديده گرياني گل

 اي سنه جانيم فدا گل مقدمون قرباني گل                                   

گورسه عابد قامتون قد قامتينده دوز قالار

طلعتون گورسه مه تابان اگر پنهان اولار

كيرپگون اوخدور دل عشاقي هر دم پارچالار

مرغ دل شوق وصالونه عزيزيم پرچالار

جان ويرر مهرون تن بي روحع قهرون جان آلار

سن گلن يوللاري چشم چشمه عالم سولار

يوسف گمگشته شاد ايله دل زهراني گل

اي سنه جانيم فدا گل مقدمون قرباني گل                                    

قامت رعنائيله طوباني گوزدن سالموسان

دمبدم اعجازيله عيساني گوزدن سالموسان

مين يد بيضائيله موساني  گوزدن سالموسان

عارضونله يوسف زيباني گوزدن سالموسان

يوسف زهرا مگر دنياني گوزدن سالموسان

باري گوزدن سالما مولا شيعه نالاني گل

اي سنه جانيم فدا گل مقدمون قرباني گل                                    

 خال هندو چشم جادو سرو قامت سنده دي

درد عشقه الده دارو هر طبابت سنده دي

دست حاجت بيزده دامان كرامت سنده دي

منتظر لر حالنه لطف و عنايت سنده دي

يوز جراحت بيزده وار مين لر ملاحت سنده دي

درد بيماران عشقه گل گتور درماني گل

اي سنه جانيم فدا گل مقدمون قرباني گل                                    

دلبر نوشين لب و شيرين شمايلسن آقا

اي مه اون دورت شهر عشقه بدر كاملسن آقا

چاره سيزلر دردينه سن چاره حاصلسن آقا

سن يدالله اوغلي هر ظلمه مقابلسنآقا

منجي عالم ندندور صبره مايلسن آقا

ابر غيبتده ندن بيله حمايلسن آقا

سال نقابون چهردن اي ملك جان جاناني گل

اي سنه جانيم فدا گل مقدمون قرباني گل                                    

اولموش اغما چشمگريان طول راهوندان سنون

بير نظر قيل كام آلوم چشم سياهوندان سنون

عاشقون دوشموش كمنده غم سياهوندان سنون

خوار اولار خجلت زده اول روي ماهوندان سنون

كل عالم باج آلار منظر نگاهوندان سنون

مامن اخذ ايلر هامي لطف و پناهوندان سنون

گل مقرر ايت حكومت مركزين ايراني گل

اي سنه جانيم فدا گل مقدمون قرباني گل                                    

اي صبا اول ياريدن وير بير بشارت بولبوله

باغبانين گلماقيندان خوش خبر ويرسين گله

خار اليندن دوشمه سين گول گلستاندا موشكوله

بحر غمده غرق اولان دنياني چكسين ساحله

بلكه جانان انتظاريندن بو جانيم دينجله

اي دليم شاد اول بو جمعه دلبرون شايد گله

دلخوش اول سنده “نبي” سلسله شه خوباني گل

اي سنه جانيم فدا گل مقدمون قرباني گل

شاعر : محمدنبي

***************************************

السلام عليك يا بقيه الله

مژده محبانه ويرون حجت دادار گلور

عشق ديارين بزيون رهبر احرار گلور

ديوي حرمدن چخادون محرم اسرار گلور

عشقيله پيشوازه چخون نازيله دلدار گلور

سرور عالم پسر احمد مختار گلور

يوسف اونا مشتريدي رونق بازارگلور

بي خبر اغياره ديون با خبر اول يار گلور

كاتب احبايه يازور تذكره عنوان برات

هاتف جان خضره ديور سپ يولونا آب حيات

تشنه دي شيرين لبينه دجله و عمان و فرات

عالم سبقتده اونا حق ويروب عالي درجات

سامرانين توپراقنا نازل اولوبدور بركات

نرجسه تبريك ديور مريم و صديقه صفات

قبليه دوندر يوزوي مهديه گوندر صلوات

منشا خير و بركت مطلع انوار گلور

سينه سي سينايه دگر قامتي طوبايه دگر

ياريمزين بير نفسي عمر مسيحايه دگر

پرچميني قوزاسا گر عرش معلايه دگر

اوندا يدالله الي وار مين يد  بيضايه  دگر

جدينه بنزر گوزي مين ديده شهلايه دگر

هر يره قويسا قدمين جنت العلايه دگر

فاطمنون اوغليدي بو بير توكي دنيايه دگر

فارس ميدان نوه حيدر كرار گلور

مرغ خوش الحانه ديون گل دله سندير قفسي

گيچدي خزان فصلي اويان عالمه سال نغمه سسي

گويده عقاب عرصه سينه قويما دولانسين مگسي

گلدي او مولا كه ايدر شيعه ني احيا نفسي

بسدي اجانب ديمسون يوخ بولارون دادرسي

گوش ملائك ايشيدور يولداكي بانگ جرسي

باشدا اشرف تسكهلي الده علي اسلحه سي

منتقم خون حسين مفخر اخيار گلور

مكتبي احيا ايده جاق دشمني رسوا ايده جاق

اوچ يوز اون اوچ ممتحنين مدركين امضاء ايده جاق

ظاهر اولوب جمعه گوني مكه ده شورا ايده جاق

وادي بطحايه گلوب غلغله برپا ايده جاق

فاطمه دشمنلرينون ظلمني افشا ايده جاق

اوچ نفري يانديرا جاق حل معما ايده جاق

گويدي منادي ديجاق حقه طرفدار گلور

مظهر ايثار گلور يار فداكار گلور

شمع شب تار گلور قافله سالار گلور

عشقه خريدار گلور نعمت پربار گلور

رحمت سرشار گلور فيض سزاوار گلور

لايق دربار گلور زينت گلزار گلور

هي آدي تكرار گلور دللره هموار گلور

ناشر اخبار گلور ناصر ابرار گلور

بي خبر اغياره ديون باخبر اول يار گلور

جان به كف آزاده لرين رهبري مهدي آقادي

منتظران فرجين سروري مهدي آقادي

امت قرآن باشينون افسري مهدي آقادي

مخزن علم و عملين گوهري مهدي آقادي

دهريده دلداده لرين دلبري مهدي آقادي

سلسله معرفتين مفخري مهدي آقادي

غملي ستمديده لرين ياوري مهدي آقادي

اي الي الدن اوزولن غم يمه غمخوار گلور

من او گله مشتريم ايستمرم هر گوزلي

بنزمز هيچ بير گوزله ساقي كوثر گوزلي

شاه شهيدان سور اول اكبره بنزر گوزلي

حسينده يكتا يارانوب آل پيمبر گوزلي

فاطمه دلبنديدي بو جمله گوزللر گوزلي

يوسف اونون عاشقيدي چون گوزل ايستر گوزلي

سوزلري سوزلر نمكي گوزلري گوزلر گوزلي

مژده ديدار گلور دولت بيدار گلور

رهبر عيسي دمه باخ متقي اكرمه باخ

قيديني نامحرمين آت گل حرمه محرمه باخ

كوثرين آثاريني گور يعني خروشان يمه باخ

معتصم اول رشته سينه سلسله محكمه باخ

سابقه روشنيله نابغه عالمه باخ

لشكر نوريله گلور الده ياشيل پرچمه باخ

وارث شمشير دو سر فخر بني آدمه باخ

حيدر كرار كيمي قامتي ستوار گلور

اي دل غافل آيق اول دوگمه هر ادنا قاپسين

گوزلروي يوم تانيما مردم دنيا قاپسين

اهل ولادن خبر آل عشق و تولا قاپسين

تا سنه ويرسونله نشان عترت طاها قاپسين

بنده مگر بسته گورر حضرت مولا قاپسين

گونده ملكلر سوپورر مهدي زهرا قاپسين

حشريده مهدي آچاجاق جنت الا علا قاپسين

عزتي فاش اولسا او گون اللره معيار گلور

عزت بي حد گورونور پرتو ايزد گورونور

منتظران موكبنه قاصد و مقصد گورونور

تخت وقار اوسته چخوب صاحب مسند گورونور

پرده جمالندن آتوب يار مويد گورونور

مظهر اب، منظر جد مفخر ابجد گورونور

آمر كل اممه سامره مولد گورونور

شيعه گوزوز روشن اولار نور محمد گورونور

موكب انوار گلور كوكب سيار گلور

جلوه اسحار گلور نقطه پرگار گلور

مهر نمودار گلور عالمه سردار گلور

ضد ستمكار گلور غنچه بي خار گلور

حجت دادار گلور رهبر احرار گلور

همدم اخيار گلور محرم اسرار گلور

مطلع انوار گلور حقه طرفدار گلور

وصله”كلامي” تلسور ملهم اشعار گلور

بي خبر اغياره ديون باخبر اول يار گلور

شاعر : كلامي زنجاني 

&&&&&&&&&&&&&&&&&&&&&&&&

تولد امام زمان (عج)

وار نيمه شعباندا بويوك ابر و سعادت

علت اوديكي شيعه دوتار جشن ولادت

گلزاره صفا ويردي بو گون نو گل نرگس

گلشنده ايدور بلبل گلزار سياحت

گل آچدي چمن گولدي يتوب فصل بهاران

گل عاشقانه باد صبا ويردي بشارت

ظلمت سه ون انسانلارين آرامشين آلدي

باش ويرجاق افقدن او گوني شمس امامت

يلدا گيجه سي تك ايله تاريكدي دنيا

ظلمات گيدوب جلولنوب ماه عدالت

جبريل ندا ايتدي زمان صاحبي گلدي

روشن گوزون اولسون سنون اي ختم رسالت

يتجاق بو خبر روضه جنات نعيمه

شاد اولدي علي مير عرب شاه ولايت

ترتبيله مژده يتوشوب اهل بهشته

خنداندي خانم فاطمه محبوبه جنت

بير دايره تشكيل ويروب مريم و سارا

حوا ايدوري عدنده كي جشنه نظارت

مستحضر اولوب واقعه دن شام اسراسي

زينبده قوروب اونلاريلان بزم ضيافت

گلدي ديله اول مرحله ده اصغر آناسي

عرض ايتدي خانم زينبه اي معدن عصمت

عمريم بوئي دنياده اگر غمزده اولدوم

مشتاقم ايدم سيزلريلن جشنده شركت

قانين آلاجاق اصغريمون مهدي موعود

عدليله ايدر فرقه مظلومه حمايت

الدوردي اگر حرمله ني كوفه ده مختار

چوخدور گنه ده حرمله تك اهل ظلالت

ظالملره دنياده مجازات اولا خوشدور

ديوان اولاجاق گر اولارا روز قيامت

بير بير اسرا سلسله سي دوردي اياقه

تبريك ديوب زينب مظلومه نهايت

گلدي ديله ويرانه نشين نازلي رقيه

عرض ايتدي منيمدور بي بي جان نوبت صحبت

يادوندادي من عمه يول اوستونده قالاندا

زجرين ستمي قورخلي صحرا گيجه ظلمت

من نئله مشم زجره و يا شمر و سنانه

الدوردوله ظلميله مني قوم شقاوت

قرح منزلي قول باغلي گيدوب شامه يتشدوك

ويرانه ده زهرا بالاسي ايتدي سكونت

بيلدورمدوم اوندا سنه چوخ نسگلي عمه

قيزلار منه ويرانه ده ايلردي شمادت

الحق بي بي جان هر گيجه نون گوندوزي واردي

منظوريم ايدوم خدمتوه عرض بشارت

وير مژده مي قان آلماقا قان صاحب گلدي

ارزش تاپاجاق ظاهر اولاندا بشريت

مظلوميلره عيد اولي ظالملره ديوان

دنياني اوگون دولدوراجاق نور عدالت

مئومنلره بايرامدي همين نيمه شعبان

خوشبخت ايدجاق خلقي بو فرخنده ولايت

خالق ئوزي تيز قسمت ايدر وقت ظهورين

بلكه او زمان باب و بهائي چكه خجلت

غيبت قوتارار “نادري” ظاهر اولا قائم

دنياده ايداق بيزده اومولاني زيارت

اي شركت ايدن جشنده حضار گرامي

صلوات عزائيله ويرون مجلسه زينت

شاعر :  مرحوم قدرت اله نادري

&&&&&&&&&&&&&&&&&&&&&&

ميلاد مسعود حضرت ولي عصر

آهنگ كاروان رفته منزل به منزل

گلدي دنيايه مهدي موعود

شيعيانه اولوب عيد مسعود

بو حبيب حق لم يزلدي

يوسف مصريدن چوخ گوزلدي

ايتدي دنياني طرفه گلستان

عالم اولدي بو گون خلد رضوان

ير اوزين ايلدي نور باران

بو حبيب حق لم يزلدي

يوسف مصريدن چوخ گوزلدي

گل آچوب گلستان امامت

هانسي بير گلده واربو طراوت

عالمي چولقيوب عطر جنت

بو حبيب حق لم يزلدي

يوسف مصريدن چوخ گوزلدي

گلميوب بيله گل گلستانه

مرحبا بسلين باغبانه

اهل عشقه ويرر عيديانه

بو حبيب حق لم يزلدي

يوسف مصريدن چوخ گوزلدي

كيمده وار بيله بير شان عزت

هانسي شهد اولار بو جلالت

واردي كتفده مهر امامت

بو حبيب حق لم يزلدي

يوسف مصريدن چوخ گوزلدي

ايتدي بو شه ازل ذكر سبحان

خالقه غرض ايدوب حي منان

دين و قرآنه اولام نگهبان

بو حبيب حق لم يزلدي

يوسف مصريدن چوخ گوزلدي

فخر ايدر زاده مصطفادي

دين و قرانه بو رهنمادي

عيديانه ويرر با وفادي

بو حبيب حق لم يزلدي

يوسف مصريدن چوخ گوزلدي

گلدي دنيايه عصرين امامي

حق يانيندا بيوكدور مقامي

مدحي يازدي همين بو كلامي

بو حبيب حق لم يزلدي

يوسف مصريدن چوخ گوزلدي

شاعر : مدحي تبريزي