آرمان مهدویت مذهبی ، اعتقادی
پناه اهل جهـان اي ولي و مولا گل
دونوبدي قانه اوركلر بحق زهرا گل
نه وقته جان قالاجاقسان حجاب غيبتده
جمالي گون كيمي رخشان و عالم آرا گل
حيات وئــر بو جــــهانه ايا ولي زمان
كه واردي لعل لبـونده دم مسيحا گل
گوزل جمالووه مشتــاق جمـله اهل ولا
گئجه گونوز ائدوري ناله بلبل آسا گل
سنون يانونـدادي اسرار و معنــي قرآن
رموز عالــــمه علم الكتابه دارا گل
تمام شيعه لرون مهدي جان يولون گوزلور
كه يوخ فراقووه دیلــــده توان و يارا گل
كرمله شمع جمالون نشان وئـر اهل دیله
دولانا باشــووه پروانـــــه وار جانا گل
اگرچه درده ســالوب قلبوي عمل لريمز
كرمله اونلاري عفو ايت نظرده دوتما گل
كسیلدي رحم و مروت بو خلقدن افسوس
دونوب اوركلر اولوبدور چو سنگ خارا گل
نه قدري صبر ائلياخ هجرووه اورك دوزمور
بحق خــون حسين و بحــق طاها گل
قدمــــلرون توزوني توتيا كيمي چكسون
تمام شيــعه لرون گوزلرينه شاها گل
اوخـونور آيه قــــران ولي عـــمل اولمور
حدود شرعي پوزوللار كه يوخدي پروا گل
گئدوبدي صلح و صفا يئر یوزين دوتوبدي آقا
فساد و ظلم و شقاوتله جنگ و غوغا گل
قرار وئر يئـــــــر اوزونده حكومت واحد
لواي وحـدت اسلامي ائيلــــه برپا گل
نجات وئــر بشــري ورطــــه هلاكتدن
حدود و حكم خداوندي ائيله اجرا گل
تمام يئر يوزوني عــدل و داديلن دولدور
كه تا اولا بو جهان بير بهشت اعـلا گل
كمين غلاميدي دانشوري قاپونـدا سنون
محبت ائيله كرم قيل گوزوندن آتما گل
شاعر : دانشوري تبريزي
