آرمان مهدویت مذهبی ، اعتقادی
سولوبدور گلشن جانيم جهاندا هر زمان سنسيز
شكسته ني كمين اولموش ايشيم آه و فغان سنسيز
گلستاندا صفا اولماز اگر سن اولماسون ای گول
خزان سنلن بهار اولسا بهاريمدور خزان سنسيز
کونول شيدا اولوب اي گول دوشوب دشت و بيابانه
منه ويرانه لر هرگون اولوبدور آشيان سنسيز
اياقدان سالدي عشقين گورنجه درده دچار اولدوم
ديزيمده قالمادي طاقت اولوب صبريم تالان سنسيز
اگر بلبل اوخورسا بولكي واردي اوندا بير حكمت
قالان تنها حقيقت دور داها هر شي يالان سنسيز
حضوره گلسن اي دلبر جهان ويرانه تك قالماز
گل اي آرام جانيم گل اولوب دنيا يامان سنسيز
فغانه گلسم هر ساعت شماتت ائيلمه هرگز
كي فرياده گلر هر دم تك و تنها قالان سنسيز
نيستاندان دوشن آيري شكسته بير نييم دلده
بودور هر لحظه فرياديم امان سنسيز امان سنسيز
“رضا ” اولمــا دوشــم منده كمند عشق اغــياره
كي آيري عشق عالم ده اولار چوخلي دومان سنسيز
شاعر: رضا قاسم زاده
