آرمان مهدویت مذهبی ، اعتقادی
حضرت وليّعصرمهدي موعود(عج)ولادتينده
« کاروان رفته منزل به منزل » آهنگينده
اي فرج انتظــــارين چکنـلر آزديـون باغريـمز ، قانه دوندي
نرگسي گُول ، وئروب غنچه بيرگول سامـره شهـري رضوانـه دونـدي
گوزلروز اولسون اي شيعه ،روشن
عالـمي ائيليوب ، صحـن گُلشن
بوگونون مثلي،گون چيخماميشدان نور حق ، شرقدن اولدي پيدا
گـوزآچوب عالمـــه مظهـرحق گون کيمي ، نوري اولدي هويدا
شمع رخساري گويده سالوب نور تاپدي زينت ، بوگون ، عرش اعلا
گوزلروز ، اولسون اي شيعه،روشن
عالـمي ائيليـوب ، صحـن گلشن
نورحق جلوه لندي بوگـونده ماسوَالله ، اولوب نورَ بـاران
پرده دن چيخدي مهردل آرا عالمي ائيلـدي ، چلچـراغان
گون کيمي جلوه گردورجمالي يئرده گون،گويده ماهِ درخشان
گوزلروز ، اولسون اي شيعه،روشن
عالـمي ائيليـوب ، صحـن گلشن
آچدي بيرگول رياض ولايت هيچ گلستاندا بئيله گول اولماز
باغ رضوان گُلوندن گوزلدي گور نئجه عطري آفاقه دولماز
هرزمان تازه دورعطري واردي مين خزان اولسا بوغنچه سولماز
گوزلروز، اولسون اي شيعه،روشن
عالـمي ائيليـوب ، صحـن گلشن
اي صبا مژده زهرايه گئت وئر منتقم اوغـلي دنيـايـه گلـدي
يئريوزون ائيليوب رشگ جنّت عالمـه وئـردي پيرايـه گلدي
آلمـاقـامحسنون ، انتقاميـن اودسالا قلب اعـدايـه گلدي
گوزلروز ، اولسون اي شيعه،روشن
عالـمي ائيليـوب ، صحـن گلشن
شاعر : احد عدل جوي غازاني
******************************************
نيمه شعبان در ولادت امام زمان (عجل الله…)
قويدي کونه قدم خاتـم اوصيا مهدي ذوالکرم وارث مصطفا مرحبا مرحبا ، مرحبا مرحبا
خسرو خسروان شاه عرش آستان دائماً گل آدي زيب هر داستان مرحبا مرحبا ، مرحبا مرحبا
رهبر راستين سرور راستان گلدي بو عالمه ، بيرگوزل رهنما مرحبا مرحبا ، مرحبا مرحبا
آچدي دنياده گوز جسمده جانيميز ماية فخــريميز عزّت و شأنميز مرحبا مرحبا ، مرحبا مرحبا
شانلي سلطانيميز جان و جانانميز بئيله مولوده دئ ، مرحبا مرحبا مرحبا مرحبا ، مرحبا مرحبا
شاخ گولدن آچار نرگس مست وناز بـوگل امّاتاپوب بير گوزل امتياز مرحبا مرحبا ، مرحبا مرحبا
نرگس ديندن باش وئـروب سرفراز وئردي بو عالمه گول جمالي صفا مرحبا مرحبا ، مرحبا مرحبا
جانب شاهدن دوزدي عسگرگلر عسگريدن گلوب بــوشه منتـظر مرحبا مرحبا ، مرحبا مرحبا
اولدي چارده شبه مه کيمي جلوه گر مهدوي جلوه سي سالدي کونه ضيا مرحبا مرحبا ، مرحبا مرحبا
صورتـاً خاتـمِ انبيايـه مثل نور رخساره سي نور صبـح ازل مرحبا مرحبا ، مرحبا مرحبا
دوزلولاردوزلوسي هرگوزلدن گوزل حسني حيران قويان يوسفي برملا مرحبا مرحبا ، مرحبا مرحبا
خنده سيندن گو لر غنچـه لر باغده گل چيچک باش وئروب سينة داغــده مرحبا مرحبا ، مرحبا مرحبا
ائتدي آهـولـري شادمان راغـده بلبله گُول دئدي ، حَبّذا حَبّذا مرحبا مرحبا ، مرحبا مرحبا
بو اوشه دور، قورار عدل ديوانيني بو جهاندا ،ييخار ظلمين ارکانيني مرحبا مرحبا ، مرحبا مرحبا
اشقيادن آلار جدّينين قانيني آنـاسي فاطمـه قلبينه سو سَپـَر مرحبا مرحبا ، مرحبا مرحبا
جدّي پيغمبـري قلبـدن شادائدر سسلنر مرتضا ، مرحبا مرحبا مرحبا مرحبا ، مرحبا مرحبا
شاعر : مرحوم حاج صادق المتخلّص (تائب)
*******************************************
ميلادمسعودحضرت وليعصر (ع)
گلـــدي دنيايه مهديّ موعود شيعيانـه اولـوب عيـد مسعود
بوحبيب حق لــــم يزلدي يوسف مصردن چوخ گوزلدي
ائتدي دنيانـي طرفــه گلستان عالم اولدي بوگون خلـد رضوان
گلـدي بوعالمـه شـاه خوبـان
بوحبيب حق لــــــم يزلدي يوسف مصردن چوخ گوزلدي
گُل آچـــــوب گلستان امامت هانسي بير گل ده وار بو طراوت
عالمي چولقيـــوب عطـر جنت
بوحبيب حق لــــم يزلدي يوسف مصردن چوخ گوزلدي
گلميوب بيله گل گلستانه مرحبا بسلي ین باغبـانه
شيعه لرايستوري عيديانه
بوحبيب حق لــــم يزلدي يوسف مصردن چوخ گوزلدي
کيمده وار بئيلـه بير شأن وعزت هانسي بير شه ده وار بو جلا لت
واردي کتفنـــــده مهر امامت
بوحبيب حق لــــم يزلدي يوسف مصردن چوخ گوزلدي
ائتدي بوشه ازل ذکرسبحان خالقه عرض ائدوب حي منان
ديـن و قـرآنه اولاّم نگـهبان
بوحبيب حق لـــــم يزلدي يوسف مصردن چوخ گوزلدي
فخـرائدر زاده ي مصطفادي ديـن وقرآنـه بــو رهنمادي
اهل ديل آخــتارار با وفادي
بوحبيب حق لـــــم يزلدي يوسف مصردن چوخ گوزلدي
شأني حيـران قويوب انبياني شادائـدوبـدور دل مرتضاني
خاصـه شاهنشـه کربلانـي
شاعر : حاج ميرزا حيدر مدحي
****************************************
عرض ارادت به حضرت ولي عصر (عج)
صاحب الزمان مهدي لاله جنان مهدي آدوه ازل گونـدن عاشقم اينان مهدي
يوسف دل آرا سن بند قلب طا ها سن شيعه لر سنه قربان سن عزيز زهراسن
آدوه ازل گوندن عاشقم اينان مهدي هيـــــكل عدالتسن پيكر شرافتسن
چيخ حجاب غيبتدن سن ولي رحمتسن آدوه ازل گوندن عاشقم اينان مهدي
نور كبريا مــولا يار باوفــــا مولا ازبريم اولوب دائم يا حبيبي يا مولا
آدوه ازل گوندن عاشقم اينان مهدي سن امـــام برحق سن باغ دينه رونق سن
گون مثالي تابانسان عرش عشقه الحق سن آدوه ازل گوندن عاشقم اينان مهدي
((چشمه صفا سن سن گوزلره ضيا سنسن درد عشقه دنياده ائی لي ین دوا سنسن))
شاعر : غفاري اردبيلي
***********************************
سرود تولد حضرت ولي عصر (عج)
شب چراغ حق گلدي ظلمته شفق گلدي اولدي نيــمه شعبان جــانلارا رمق گلدي
لطف ائدوب حق معبود گلدي مهدي موعود يئريوزي اولوب گلشن شيعه لر گوزوز روشن
شيعه لر ائدون شادي اولـدي يوم ميلادي گلدي اشـــبه طاها اسم پاكي ئـوز آدي
لطف ائدوب حق معبود گلدي مهدي موعود يئريوزي اولوب گلشن شيعه لر گوزوز روشن
گلــدي يوسف زهـرا عـدليلن دولار دنيا مرتضي اولوب خندان شاد كام اولوب طاها
لطف ائدوب حق معبود گلدي مهدي موعود يئريوزي اولوب گلشن شيعه لر گوزوز روشن
بيت عسـگري الان عرشی اولدي نور افشان نرجسه ائـــدوب الله لطفيني بوگون ارزان
لطف ائدوب حق معبود گلدي مهدي موعود يئريوزي اولوب گلشن شيعه لر گوزوز روشن
شاعر : بيوك داودي زنجاني
**********************************
سرود ميلاد حضرت مهدي (عج) – آهنگ اي قلم (ترکی ، فارسی) شاعر : غفاري اردبیلی
اي گل باغ حيدر كجائي بنـد قلب پيمبر كجائي
دل دگر خون شدازهجررويت اي پرستو ي كوثر كجايي
طاقت دوريت را ندارم جز وصالت تمنا ندارم
در بيابان چو لب تشنگانيم ره به دامان دريا نداريم
عطر خود گل زبويت گرفته بوسه از خال رويت گرفته
نيمه شب بعد هرسجده گريان عاشقت رو به سويت گرفته
اي گل باغ حيدر كجائي بنـد قلب پيمبر كجائي
شام هجران خودراسحركن ازسركوي ما هم گذر كن
اي شهنشاه صاحب عدالت از كرم بر گدايان نظر كن
اي گل باغ حيدر كجائي بنـد قلب پيمبر كجائي
بلبلون گوگلي گلزارين ايستر عاشقين قلبي ئوز يارين ايستر
آند اولا جان زهرايه مهدي دل گلوب درده دلدارين ايستر
باغبان اولماسا گلستاندا لاله گلشنده قالماز اماندا
لاله لر مثلي قاندي ئوركلر آيرلق بسدي قالدون هاياندا
درد هجرانوه يوخدي درمان چوخ چتيندور آقا درد هجران
گل سني زينبين جاني مولا سن گلن يوللارا شيعه قربان
عاشقين درد هجرين بيلن يوخ گوز ياشين صورتندن سيلن يوخ
بير زماندور كي بي كس يتيمون باشينه گلمسون ال چكـن يوخ
**************************************
سرود نيمه شعبان
اي شــرف عالميـــــان آقا يابن الحسن اي سبب كون و مكان آقا يابن الحسن
اي يوزي گل صحبتي گل ئوزي گل آدي گل اي گوزي گل طلعتي گل سوزي گل يادي گل
خلقتي گل نسبتي گل هامـي اجدادي گل مصلح آشوب جهان آقا يابن الحسن
پرده غيبتدن اگر يوزون ائتسون عيـان آي دولانار ، باشوه اي ، گل باغ جنان
اينجي كيمي انجم الـــر باشووا آسمان زهره اولار رقص كنان آقا يابن الحسن
بيز گل نرگسده اولان عطره مستانه يوخ نيمه شعباندا آچان گله ديوانه يوخ
شمع امامتـــده يانان نورا پروانه يوخ ائيلمشوخ ورد زبان آقا يابن الحسن
ماه ولادتدي شها مه شعبان سنه سوره والعصري خدا ائدوب احسان سنه
آيه جاء الحقي حق وئروب اعلان سنه وصفـوه قاصردي بيان آقا يابن الحسن
دوندي فراقوندا اورك قانا فرياده گل غملــريميز گلمز آقا صانا فرياده گل
بعضيلر ايستور فرجون دانا فرياده گل آچ علـــم امن و امان آقا يابن الحسن
شاعر : كريمي مراغه
****************************************
سرود تولد امام زمان(عج)
اي باغ زهرانين گلي يا ابا صالح يا ابا صالح
يعقوب عشقه سوگلي يا ابا صالح يا ابا صالح
وارث حيدر، جان پيغمبر، يا ابا صالح يا ابا صالح
اي يادگـــــار مصطفي، يا ابا صالح دل تاپدي عشقوندان صفا ، يا ابا صالح
جانلار سنـــه قربان آقا ، يا ابا صالح
اي گل ايمان – رحمت رحمان ،يا ابا صالح يا ابا صالح
نو گل طاها – يوسف زهرا – يا ابا صالح يا ابا صالح
گل اي امام منتــــــظر يا ابا صالح دل كوچه سندن سال گذر يا ابا صالح
بو عالمــه ائيـله نظـــر يا ابا صالح جلوه جانان جان سنه قربان يا ابا صالح
يا ابا صالـح يا ابا صالـح يا ابا صالـح
اي مصلــــح روي زمين يا ابـا صالح وي شهريــــار ملك دين يا ابا صالح
هجرونده اولدوق دل غمين يا ابا صالح
آيت سبحان – صولت یزدان يا ابا صالح يا ابا صالح
اي دين حقيــن ياوري يا ابا صالح صلح و صفانين مظهري يا ابا صالح
ائيله طبابت دیللــــري يا ابا صالح
ياور قـرآن – يـار ضعیفان يـا ابا صالـح ، يـا ابا صالـح
سن ملك حقه شاهسن يا ابا صالح برج شـرفده ماهسن يـــا ابا صالح
دل دردينـــه آگاهسن يا ابا صالح وارث حيدر- جان پيغمبر، يا ابا صالح ، يا ابا صالح
(شاعر : جاهد)
