آرمان مهدویت مذهبی ، اعتقادی
پناه اهل جهـان ای ولی و مولا گل
دونوبدی قانه اورکلر بحق زهرا گل
نه وقته جان قالاجاقسان حجاب غیبتده
جمالی گون کیمی رخشان و عالم آرا گل
حیات وئــر بو جــــهانه ایا ولی زمان
که واردی لعل لبـونده دم مسیحا گل
گوزل جمالووه مشتــاق جمـله اهل ولا
گئجه گونوز ائدوری ناله بلبل آسا گل
سنون یانونـدادی اسرار و معنــی قرآن
رموز عالــــمه علم الکتابه دارا گل
تمام شیعه لرون مهدی جان یولون گوزلور
که یوخ فراقووه دیلــــده توان و یارا گل
کرمله شمع جمالون نشان وئـر اهل دیله
دولانا باشــووه پروانـــــه وار جانا گل
اگرچه درده ســالوب قلبوی عمل لریمز
کرمله اونلاری عفو ایت نظرده دوتما گل
کسیلدی رحم و مروت بو خلقدن افسوس
دونوب اورکلر اولوبدور چو سنگ خارا گل
نه قدری صبر ائلیاخ هجرووه اورک دوزمور
بحق خــون حسین و بحــق طاها گل
قدمــــلرون توزونی توتیا کیمی چکسون
تمام شیــعه لرون گوزلرینه شاها گل
اوخـونور آیه قــــران ولی عـــمل اولمور
حدود شرعی پوزوللار که یوخدی پروا گل
گئدوبدی صلح و صفا یئر یوزین دوتوبدی آقا
فساد و ظلم و شقاوتله جنگ و غوغا گل
قرار وئر یئـــــــر اوزونده حکومت واحد
لوای وحـدت اسلامی ائیلــــه برپا گل
نجات وئــر بشــری ورطــــه هلاکتدن
حدود و حکم خداوندی ائیله اجرا گل
تمام یئر یوزونی عــدل و دادیلن دولدور
که تا اولا بو جهان بیر بهشت اعـلا گل
کمین غلامیدی دانشوری قاپونـدا سنون
محبت ائیله کرم قیل گوزوندن آتما گل
شاعر : دانشوری تبریزی
