آرمان مهدویت مذهبی ، اعتقادی
سولوبدور گلشن جانیم جهاندا هر زمان سنسیز
شکسته نی کمین اولموش ایشیم آه و فغان سنسیز
گلستاندا صفا اولماز اگر سن اولماسون ای گول
خزان سنلن بهار اولسا بهاریمدور خزان سنسیز
کونول شیدا اولوب ای گول دوشوب دشت و بیابانه
منه ویرانه لر هرگون اولوبدور آشیان سنسیز
ایاقدان سالدی عشقین گورنجه درده دچار اولدوم
دیزیمده قالمادی طاقت اولوب صبریم تالان سنسیز
اگر بلبل اوخورسا بولکی واردی اوندا بیر حکمت
قالان تنها حقیقت دور داها هر شی یالان سنسیز
حضوره گلسن ای دلبر جهان ویرانه تک قالماز
گل ای آرام جانیم گل اولوب دنیا یامان سنسیز
فغانه گلسم هر ساعت شماتت ائیلمه هرگز
کی فریاده گلر هر دم تک و تنها قالان سنسیز
نیستاندان دوشن آیری شکسته بیر نییم دلده
بودور هر لحظه فریادیم امان سنسیز امان سنسیز
“رضا ” اولمــا دوشــم منده کمند عشق اغــیاره
کی آیری عشق عالم ده اولار چوخلی دومان سنسیز
شاعر: رضا قاسم زاده
