آرمان مهدویت مذهبی ، اعتقادی
منتظرلرناله سی
______________________
اي روز تولددن اولان مخزن حكمت
قربان سنون اسراريوه يا حضرت حجت
اي وارث سلطان امم ليله الاسرار
فرزند علي يابن حسن زاده زهرا
اي پرده غيبتده ائدن غيبت كبري
اوضاع جهاندان نقدر منزجروق بيز
چوخداندي شها مقدموه منتظروق بيز
سن حافظ دينسن هامي اديان سني گوزلر
دنياده اولان صاحب ايمان سني گوزلر
اي ناطق قرآن ئوزي قرآن سني گوزلر
گل گور نئجه قرآني غريب ايليوب امت
دنياني دوتوب فسق و فجوريله شرارت
طغيان ايليوب عالم آرا امت موسي
گل گور نجه ويرانه قالوب مسجد القصا
يانديرديلا اول مسجيدي چون درگه زهرا
گل شير خدا اوغلي زمان مرحبين ئولدور
ئوز قدرتوي مرحبين اولادنه بيلدیر
چك دشمن دين اوستونه حيدر كيمي شمشير
قوي انفس و آفاقه دوشه نعره تكبير
قوي دين ايويني دست يدالله ايده تعمير
گل نور جمالونله ايله عالمي روشن
هركيم سني ايستور ديسون كور اولا دشمن
اي وارث ميراث رسل ختم پيغمبر
اي ختم ائمه شه دين زاده حيدر
سكان سماواتيدي گلسون سنه لشگر
عالمده سنون بيربئله قدرت وار الونده
شاهنشه دين پرچم نصرت وار الونده
شاهلار سنه تابعدي ئوزون شاه شهانسان
سن نائب لولاك اولوالعزم زمانسان
سن سرور افلاك عزيز دو جهانسان
دنياده هاني سن تك اولان صاحب عزت
تز گل ير اوزون ايله اوزن گلشن جنت
گل امته گوستر سن اوزون راه اصولي
جدون كيمي احيا ايده سن دين رسولي
معلوم ايله عاشقلرينه قبر بتولي
امراضه شفا قرصي اولا تربت زهرا
دشمن لره تا ثابت اولا حرمت زهرا
سن اذن ظهور ايسته كلامونده اثر وار
مولا ديزيون اوسته سنون تيغ دو سر وار
الله الي وار سنده همان الده ظفر وار
ناحق توكولن قانلاري سن سيز آلان اولماز
سفيانيلرون قلبنه وحشت سالان اولماز
چون كربوبلا ايچره سولوب گلشن زهرا
طوفان حوادثده دولوب قانله صحرا
قول باغلي گيدوب شامه اوگون زينب كبرا
اول گوندن عزا داريدي ارضيله سماوات
گل تا گوره ظلم اهلي بو دنياده مكافات
گل دهريده قور محكمه عدل بناسين
آل حرمله دن اصغر ششماهه قصاصن
شاد ايله اوزن يابن الحسن اكبر آناسين
نو فللري چك محكميه خوار ايله شمري
لطف ايله ابوالفضل آقامون خردادي قبري
بير جرعه سوئي حرمله ظلم باها ساتدي
سو ويرمه دي آخر اونا اوچ شعبه اوخ آتدي
عطشان بالانين قانين آتا قاننه قاتدي
قولدان آتاسي حلقدن اصغر يارالاتدي
زهرا ديدي جان روح پيغمبر يارالاندي
تل اوسته بو اوخ رينبيده ديده تر ايتدي
بيچاره ربابي همان اوخ خونجگر ايتدي
علقمده ابولفضلده پيكان اثر ايتدي
نهر اوسته قوري مشگليه قانلي عم آغلار
شرمنده حسين حالنه لوح و قلم آغلار
اي حجت حق گل ايله احياي شريعت
باطل گيده دنيايه گله حق و حقيقت
خورشيد طلوع ايتسه كوچر عصرده ظلمت
قوي نور جمالون ايده آفاقي طلائي
حيران قالا تا قدرتوه باب بهائي
اي والي دين محترم اجداديوه قربان
غيبتده قالان جانوه هم آديوه قربان
هم نيمه شعبانوه ميلاديوه قربان
ياز”نادري” عجل فرجه لفظني دائم
گل شيعه لري شاد ايله يا حضرت قائم
شاعر : نادری
