آرمان مهدویت مذهبی ، اعتقادی
منتظرلرناله سی
______________________
ای روز تولددن اولان مخزن حکمت
قربان سنون اسراریوه یا حضرت حجت
ای وارث سلطان امم لیله الاسرار
فرزند علی یابن حسن زاده زهرا
ای پرده غیبتده ائدن غیبت کبری
اوضاع جهاندان نقدر منزجروق بیز
چوخداندی شها مقدموه منتظروق بیز
سن حافظ دینسن هامی ادیان سنی گوزلر
دنیاده اولان صاحب ایمان سنی گوزلر
ای ناطق قرآن ئوزی قرآن سنی گوزلر
گل گور نئجه قرآنی غریب ایلیوب امت
دنیانی دوتوب فسق و فجوریله شرارت
طغیان ایلیوب عالم آرا امت موسی
گل گور نجه ویرانه قالوب مسجد القصا
یاندیردیلا اول مسجیدی چون درگه زهرا
گل شیر خدا اوغلی زمان مرحبین ئولدور
ئوز قدرتوی مرحبین اولادنه بیلدیر
چک دشمن دین اوستونه حیدر کیمی شمشیر
قوی انفس و آفاقه دوشه نعره تکبیر
قوی دین ایوینی دست یدالله ایده تعمیر
گل نور جمالونله ایله عالمی روشن
هرکیم سنی ایستور دیسون کور اولا دشمن
ای وارث میراث رسل ختم پیغمبر
ای ختم ائمه شه دین زاده حیدر
سکان سماواتیدی گلسون سنه لشگر
عالمده سنون بیربئله قدرت وار الونده
شاهنشه دین پرچم نصرت وار الونده
شاهلار سنه تابعدی ئوزون شاه شهانسان
سن نائب لولاک اولوالعزم زمانسان
سن سرور افلاک عزیز دو جهانسان
دنیاده هانی سن تک اولان صاحب عزت
تز گل یر اوزون ایله اوزن گلشن جنت
گل امته گوستر سن اوزون راه اصولی
جدون کیمی احیا ایده سن دین رسولی
معلوم ایله عاشقلرینه قبر بتولی
امراضه شفا قرصی اولا تربت زهرا
دشمن لره تا ثابت اولا حرمت زهرا
سن اذن ظهور ایسته کلامونده اثر وار
مولا دیزیون اوسته سنون تیغ دو سر وار
الله الی وار سنده همان الده ظفر وار
ناحق توکولن قانلاری سن سیز آلان اولماز
سفیانیلرون قلبنه وحشت سالان اولماز
چون کربوبلا ایچره سولوب گلشن زهرا
طوفان حوادثده دولوب قانله صحرا
قول باغلی گیدوب شامه اوگون زینب کبرا
اول گوندن عزا داریدی ارضیله سماوات
گل تا گوره ظلم اهلی بو دنیاده مکافات
گل دهریده قور محکمه عدل بناسین
آل حرمله دن اصغر ششماهه قصاصن
شاد ایله اوزن یابن الحسن اکبر آناسین
نو فللری چک محکمیه خوار ایله شمری
لطف ایله ابوالفضل آقامون خردادی قبری
بیر جرعه سوئی حرمله ظلم باها ساتدی
سو ویرمه دی آخر اونا اوچ شعبه اوخ آتدی
عطشان بالانین قانین آتا قاننه قاتدی
قولدان آتاسی حلقدن اصغر یارالاتدی
زهرا دیدی جان روح پیغمبر یارالاندی
تل اوسته بو اوخ رینبیده دیده تر ایتدی
بیچاره ربابی همان اوخ خونجگر ایتدی
علقمده ابولفضلده پیکان اثر ایتدی
نهر اوسته قوری مشگلیه قانلی عم آغلار
شرمنده حسین حالنه لوح و قلم آغلار
ای حجت حق گل ایله احیای شریعت
باطل گیده دنیایه گله حق و حقیقت
خورشید طلوع ایتسه کوچر عصرده ظلمت
قوی نور جمالون ایده آفاقی طلائی
حیران قالا تا قدرتوه باب بهائی
ای والی دین محترم اجدادیوه قربان
غیبتده قالان جانوه هم آدیوه قربان
هم نیمه شعبانوه میلادیوه قربان
یاز”نادری” عجل فرجه لفظنی دائم
گل شیعه لری شاد ایله یا حضرت قائم
شاعر : نادری
