آرمان مهدویت مذهبی ، اعتقادی
یارمسیحا نفسیم
پرده اوزدن گوتور ای یار مسیحا نفسیم
بوقدیر درد وبلا سوز فراقوندا بسیم
ریشه می کسماقا فوج غم آلیب تیشه اله
یوخدی سندن سوراداده یئتیشن دادرسیم
گوز یاشیم شوق وصالوندا عذاره آخالی
دولدوروبدور بوغازیم چاتمیری بیر یانه سسیم
طورعشقونده اورکدن ارنی سویلی یه لی
لن دوداقوندن ائشیتماخلیقا واردور هوسیم
لطفووی شامل ائله ای هامی بیکس لره کس
منده بوعرصه ده یالقیزلامیشام یوخدی کسیم
بیرقانادسیز قوشا اوخشور قفس ایچره اورگیم
گَل جمالین ایشیقیلاسینا بلکه قفسیم
تازه بیرجان گله بو عالم محنت توشه
گلماقین مژده سینی گر گتیره پیک نسیم
ائیله سن گرمنی مشمول عنایات نظر
جان تاپار اودلاماقا، ظلم ائوین اودلونفسیم
خبرنامه آرمان مهدویت
